കൊച്ചി: ജോജു ജോര്ജിന്റെ സ്റ്റാര് ഒ ടി ടി റിലീസിന് ഒരുങ്ങുന്നു എന്ന് നേരത്തെ റിപ്പോര്ട്ടുകളുണ്ടായിരുന്നു. അഭ്യൂഹങ്ങള്ക്ക് വിരാമമിട്ട് ചിത്രത്തിന്റെ അണിയറ പ്രവര്ത്തകര് പുതിയ പോസ്റ്റര് ഇറക്കിയിരിക്കുകയാണ്. ഒരിടവേളക്ക് ശേഷം സംസ്ഥാനത്ത് തിയേറ്ററുകള് തുറക്കുമ്പോള് തിയേറ്റര് റിലീസായി തന്നെ 29ന് ചിത്രം എത്തും. ക്ലീന് ‘യു’ സര്ട്ടിഫിക്കറ്റാണ് സെന്സര് ബോര്ഡ് സിനിമയ്ക്ക് നല്കിയിരിക്കുന്നത്. ജോജു ജോര്ജ്ജ്, പൃഥ്വിരാജ്, ഷീലു എബ്രഹാം എന്നിവരെ പ്രധാന കഥാപാത്രങ്ങളാക്കി ഡോമിന് ഡി സില്വ സംവിധാനം ചെയ്ത ചിത്രമാണ് ‘സ്റ്റാര്’.
സാനിയ ബാബു, ശ്രീലക്ഷ്മി, തന്മയ് മിഥുന്, ജാഫര് ഇടുക്കി, സബിത, ഷൈനി രാജന്, രാജേഷ്ജി തുടങ്ങിയവരാണ് മറ്റു പ്രധാന വേഷങ്ങളിലെത്തുന്നത്. നവാഗതനായ സുവിന് എസ് സോമശേഖരന്റേതാണ് രചന. അബാം മൂവീസിന്റെ ബാനറില് എബ്രഹാം മാത്യുവാണ് ചിത്രം നിര്മിക്കുന്നത്. ഹരിനാരായണന്റെ വരികള്ക്ക് എം ജയചന്ദ്രനും രഞ്ജിന് രാജും ചേര്ന്നാണ് സംഗീതമൊരുക്കിയത്. തരുണ് ഭാസ്കരന് ഛായാഗ്രഹണം നിര്വഹിക്കുന്നു. ബാദുഷയാണ് പ്രൊജക്ട് ഡിസൈനര്.
ലാല് കൃഷ്ണനാണ് ചിത്രസംയോജനം നിര്വ്വഹിക്കുന്നത്. വില്യം ഫ്രാന്സിസാണ് പശ്ചാത്തല സംഗീതം ഒരുക്കുന്നത്. കമര് എടക്കര കലാസംവിധാനവും അരുണ് മനോഹര് വസ്ത്രാലങ്കാരവും നിര്വ്വഹിക്കുന്ന ചിത്രത്തില് റോഷന് എന് ജി മേക്കപ്പും അജിത്ത് എം ജോര്ജ്ജ് സൗണ്ട് ഡിസൈനും നിര്വ്വഹിക്കുന്നു. റിച്ചാര്ഡാണ് പ്രൊഡക്ഷന് കണ്ട്രോളര്, അമീര് കൊച്ചിന് ഫിനാന്സ് കണ്ട്രോളറും സുഹൈല് എം, വിനയന് ചീഫ് അസോസിയേറ്റ്സുമാണ്. പി ആര് ഒ- പി ശിവപ്രസാദ്, സ്റ്റില്സ്- അനീഷ് അര്ജ്ജുന്.
