ദോഹ: ഖത്തര് കെ എം സി സി മൊഗ്രാല് പുത്തൂര് പഞ്ചായത്ത് കമ്മിറ്റിയുടെ നേതൃത്വത്തില് ‘നട്ടൊരുമ’ പദ്ധതിയുടെ ഭാഗമായി ജില്ലാതല നീന്തല് മത്സരം വഖ്റയിലെ ഗ്രീന് സ്റ്റേഡിയത്തില് നടന്നു. കാസര്ഗോഡ് ജില്ലയിലെ വിവിധ പഞ്ചായത്തുകളെയും മുന്സിപ്പാലിറ്റികളെയും പ്രതിനിധീകരിച്ച് തെരഞ്ഞെടുക്കപ്പെട്ട 24 മത്സരാര്ഥികള് പങ്കെടുത്തു.
പ്രമുഖ കായിക- സാമൂഹിക മേഖലകളിലെ നേതൃത്വത്തിന്റെ സാന്നിധ്യത്തില് നടന്ന പരിപാടി പ്രേക്ഷകരെ ആവേശത്തിലാഴ്ത്തി. കെ എം സി സി മൊഗ്രാല് പുത്തൂര് പഞ്ചായത്ത് പ്രസിഡന്റ് അന്വര് കടവത്ത്, ജനറല് സെക്രട്ടറി അബ്ദുല് റഹിമാന് എരിയാല്, റഹീം ചൗകി, കെ ബി റഫീഖ്, റോസ്ദ്ദിന് തുടങ്ങിയവര് മത്സരത്തിന് നേതൃത്വം നല്കി.
പരിപാടിയുടെ ഉദ്ഘാടനം വേള്ഡ് കെ എം സി സി വൈസ് പ്രസിഡന്റ് എസ് എ എം ബഷീര് നിര്വഹിച്ചു. മികച്ച പ്രകടനത്തിലൂടെ ആസിഫ് ഒന്നാം സ്ഥാനവും സിറാജ് രണ്ടാം സ്ഥാനവും സ്വന്തമാക്കി. വിജയികള്ക്കുള്ള സമ്മാനങ്ങള് സംസ്ഥാന കെ എം സി സി വൈസ് പ്രസിഡന്റ് ആദം കുഞ്ഞിയും ലുക്മാന് ഹകീമും വിതരണം ചെയ്തു.
പരിപാടിയുടെ ഭാഗമായി നടന്ന മൊഗ്രാല് പുത്തൂര് പഞ്ചായത്ത്തല നീന്തല് മത്സരത്തില് അല്ഫാസ് ഒന്നാം സ്ഥാനവും ആബിദ് മൊഗര് രണ്ടാം സ്ഥാനവും നേടി.
ഖത്തര് കെ എം സി സി കാസറഗോഡ് ജില്ലാ പ്രസിഡന്റായി 10 വര്ഷം പൂര്ത്തീകരിച്ച ലുക്മാന് തളങ്കരയെ പരിപാടിയില് ആദരിച്ചു
സുലൈമാന് അസ്കര് നേതൃത്വം നല്കി. സമീര് ഉദുമ്പുന്തല, അലി ചെരൂര്, ഷാനിഫ് പൈക, റഷീദ് ചേര്ക്കള, ജാഫര് കല്ലങ്ങാടി, റസാഖ് കല്ലാട്ടി, സലാം ഹബീബി, ആബിദ് ഉദിനൂര്, അഷ്റഫ് മഠത്തില്, നൗഷാദ് പൈക, അബ്ദുല് റഹിമാന് മലയാരം, ഷെരിഫ് മേപുരി, റഹീം ബളൂര് തുടങ്ങിയവര് പങ്കെടുത്തു.
