മനാമ: വിദ്യാര്ഥികള്ക്ക് വിവിധ കായിക പ്രവര്ത്തനങ്ങളില് പങ്കെടുക്കാനും ആരോഗ്യകരമായ മത്സരം പരിപോഷിപ്പിക്കാനുമുള്ള അവസരമേകി ഇന്ത്യന് സ്കൂള് ബഹ്റൈന് (ഐ എസ് ബി) ബഹറൈന് സ്പോര്ട്സ് ദിനം സംഘടിപ്പിച്ചു.
വിദ്യാര്ഥികള്ക്കിടയില് ശാരീരിക ക്ഷമത, കൂട്ടായ്മ എന്നിവ പ്രോത്സാഹിപ്പിക്കുക എന്ന ലക്ഷ്യത്തോടെയാണ് ഈ പരിപാടി നടത്തിയത്. സഹകരണം, അച്ചടക്കം, പരസ്പര ബഹുമാനം എന്നിവ വളര്ത്തുന്നതിനൊപ്പം വിദ്യാര്ഥികളും അധ്യാപകരും തമ്മിലുള്ള ബന്ധം ശക്തിപ്പെടുത്തുന്നതിനുള്ള വേദിയായി സ്പോര്ട്സ് ദിനം വര്ത്തിച്ചു.
ഹോക്കി, ഫുട്ബോള്, ക്രിക്കറ്റ്, ബാസ്ക്കറ്റ്ബോള് മത്സരങ്ങള്, അത്ലറ്റിക് ഇവന്റുകള്, ഗെയിമുകള് എന്നിവയുള്പ്പെടെ വിവിധ പ്രവര്ത്തനങ്ങള് പരിപാടിയില് നടന്നു. വ്യത്യസ്ത തലങ്ങളിലുള്ള പങ്കാളിത്തം പ്രോത്സാഹിപ്പിക്കുന്നതിനും ഓരോ വിദ്യാര്ഥിക്കും പങ്കെടുക്കാന് അവസരം ലഭിക്കുന്നുവെന്ന് ഉറപ്പാക്കുന്നതിനുമായി ഈ പ്രവര്ത്തനങ്ങള് രൂപകല്പ്പന ചെയ്തിരുന്നു. ഇത്തരം സംരംഭങ്ങളിലൂടെ, ആരോഗ്യകരമായ ജീവിതശൈലി, സാമൂഹിക കഴിവുകള്, കായിക പ്രവര്ത്തനങ്ങളോടുള്ള ആഭിമുഖ്യം എന്നിവ പരിപോഷിപ്പിക്കുന്നതിലൂടെ വിദ്യാര്ഥികളുടെ സമഗ്ര വികസനത്തിനായുള്ള പ്രതിബദ്ധത ഇന്ത്യന് സ്കൂള് ഊട്ടിയുറപ്പിച്ചു.
