തിരുവനന്തപുരം: ആറ് പതിറ്റാണ്ടുകള്ക്കു മുമ്പ് സമ്പന്നതയുടെ വിളനിലമായിരുന്നു ഈ പ്രദേശം.
ഇന്ത്യയുടെ തെക്കേയറ്റത്ത് സ്ഥിതി ചെയ്യുന്ന ഇവിടവും ശ്രീലങ്കയിലെ തലൈമന്നാര് എന്ന സ്ഥലവുമായി 18 മൈല് ദൂര വ്യത്യാസമാണുള്ളത്.
ലങ്കാധിപതി രാവണനില് നിന്ന് സീതാദേവിയെ വീണ്ടെടുക്കാന് ശ്രീരാമന് കടലിന് കുറുകെ രാമസേതു എന്ന പാലം നിര്മ്മിച്ചത് ഈ പുണ്യ ഭൂമിയിലാണെന്ന് പുരാണങ്ങളില് പ്രതിപാദിക്കുന്നു.
ഇന്ത്യയും ശ്രീലങ്കയും തമ്മിലുള്ള വാണിജ്യ വ്യവസായങ്ങള്ക്ക് സാക്ഷ്യം വഹിച്ച കേന്ദ്രമാണ്. പരസ്പര സ്നേഹത്തോടെ അവരവരുടെ ആചാരങ്ങളോട് നീതിപുലര്ത്തിക്കഴിഞ്ഞിരുന്ന ഒരു ജനത. വിവിധ തൊഴിലുകളില് ഏര്പ്പെട്ടിരുന്നവരാണെങ്കിലും അധികം പേര്ക്കും മത്സ്യബന്ധനമായിരുന്നു ഉപജീവനമാര്ഗ്ഗം. വിദ്യാഭ്യാസ വ്യവസായ സ്ഥാപനങ്ങള്, റെയില്വേ സ്റ്റേഷന്, പോസ്റ്റ് ഓഫീസ്, ആരാധനാലയങ്ങള് എല്ലാംകൊണ്ടും സമ്പന്നമായ ഒരു പ്രദേശം.
1964 ഡിസംബറില്, ക്രിസ്മസ് ആഘോഷത്തിനായി എല്ലാവരും തയ്യാറെടുക്കുന്ന സമയം. ആ ജനതയുടെ സ്വപ്നങ്ങളും പ്രതീക്ഷകളും തകര്ത്തുകൊണ്ട് ആഞ്ഞടിച്ച ചുഴലിക്കാറ്റില് ആ പ്രദേശം എന്നന്നേക്കുമായി കടലില് മറഞ്ഞു.
1964ലെ പ്രളയവും 2026ലെ പ്രണയവും. രണ്ടു കുടുംബങ്ങള്. ഒന്ന് സമ്പന്നതയുടെ മുകളിലാണെങ്കില്
മറ്റൊന്ന് സംസ്കാരത്തിന്റെ മുകളില്.
പ്രണയത്തിന്റെയും പകയുടെയും പ്രതികാരത്തിന്റെയും പ്രമേയവുമായി
ധനുഷ്കോടിയിലേക്ക് ചിത്രീകരണം പൂര്ത്തിയായി.
സുധീര് കരമന, ലെന, നിസ്താര് അഹമ്മദ് സേട്ട്, അരുണ്, ആര്ദ്ര ഗോപകുമാര്, എം ആര് ഗോപകുമാര്, ദിനേശ് പണിക്കര്, പ്രേംകുമാര്, വി കെ ബൈജു, റിയാസ് നെടുമങ്ങാട്, സിന്ധുവര്മ്മ, ജോബി, അരിസ്റ്റോ സുരേഷ്, വിതുര തങ്കച്ചന്, പഞ്ചാപകേശന്, ദീപക് ട്വിങ്കിള് സനല്, അഡ്വ. ബാബുരാജ്, അനില്രാജ്, ആദര്ശ് ഷാനവാസ്, അല്ഫിയ ഷാഫി, ഡോ. അഞ്ജന രാജേഷ്, വൈഷ്ണവ്, ദേവ്ദത്ത് മനോഹരന് തുടങ്ങിയവര് പ്രധാന കഥാപാത്രങ്ങളാകുന്നു.
ഗംഗ പ്രൊഡക്ഷന്സ് നിര്മ്മിച്ച ചിത്രത്തിന്റെ ഛായാഗ്രാഹകന് കനകരാജാണ്. എക്സി. പ്രൊഡ്യൂസര്- ഷാഫി റഷീദ്, എഡിറ്റിംഗ്- അനൂപ്, ഗാനരചന- ശ്രീകുമാരന് തമ്പി, പൂവത്തൂര് ചിത്രസേനന്, വിജു ശങ്കര്, ബിജു പുരുഷോത്തമന്, സംഗീതം- ഡി ശിവപ്രസാദ്, എ കെ താരിഖ്, ആലാപനം- വിനീത് ശ്രീനിവാസന്, മധു ബാലകൃഷ്ണന്, വിധു പ്രതാപ്, നജീം അര്ഷാദ്, സിതാര കൃഷ്ണകുമാര്, ശ്രേയ ജയദീപ്, വര്ഷ എസ് നായര്, പ്രൊഡക്ഷന് കണ്ട്രോളര്- അജയഘോഷ് പരവൂര്, പ്രൊഡക്ഷന് ഡിസൈനര്- സജി ആര് പി, കോറിയോഗ്രാഫി- സജ്ന നജാം, കല- അജി പായ്ച്ചിറ, കോസ്റ്റിയും- തമ്പി ആര്യനാട്, ചമയം- ഉദയന് നേമം, അസോസിയേറ്റ് ഡയറക്ടര്- രാജേഷ് പുഷ്പന്, പശ്ചാത്തല സംഗീതം – എ കെ താരിഖ്, പ്രൊഡക്ഷന് എക്സിക്യൂട്ടീവ്- മനോജ് കഴക്കൂട്ടം, പ്രൊഡക്ഷന് മാനേജര്- പദ്മാലയന്, ശബ്ദലേഖനം- അലന് സുഭാഷ്, വര്ഗ്ഗീസ് തോമസ്, അനുജിത് എ കെ, സൗണ്ട് എഫക്ട്സ്- സുരേഷ് തിരുവല്ലം, വി എഫ് എക്സ്- മഹേഷ്, ഡി ഐ കളറിസ്റ്റ്- മഹാദേവന് ചിത്രാഞ്ജലി, സംവിധാന സഹായികള്- റാഫി പോത്തന്കോട്, ഷാജി കിളിമാനൂര്, പപ്പന് വര്ക്കല, ഷെഹന് എ ഷൈജു, യൂണിറ്റ് ആന്റ് സ്റ്റുഡിയോ- ചിത്രാഞ്ജലി, വിതരണം- ഗംഗ പ്രൊഡക്ഷന്സ് ത്രു ആതിര എന്റര്ടെയ്നേഴ്സ്, സ്റ്റില്സ്- സുനോര മടത്തറ, പിആര്ഓ- അജയ് തുണ്ടത്തില്.
