ബീജിങ്: ചൈന ലോകത്തിലെ ഏറ്റവും സമ്പന്നരാജ്യം. യു എസിനെ പിന്തള്ളിയാണ് ചൈന ഒന്നാമതെത്തിയത്. രണ്ട് പതിറ്റാണ്ടിനിടെ ചൈനയുടെ ആഗോള സമ്പത്ത് മൂന്നിരട്ടിയായി വര്‍ധിച്ചുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ലോകവരുമാനത്തിന്റെ 60 ശതമാനത്തിലധികം പ്രതിനിധീകരിക്കുന്ന പത്ത് രാജ്യങ്ങളുടെ ദേശീയ ബാലന്‍സ് ഷീറ്റുകള്‍ പരിശോധിക്കുന്ന കണ്‍സള്‍ട്ടന്റുമാരായ മക്കിന്‍സി ആന്‍ഡ് കമ്പനിയുടെ ഗവേഷണ വിഭാഗത്തിന്റെ പുതിയ റിപ്പോര്‍ട്ടിലാണ് ചൈനയുടെ സാമ്പത്തിക വളര്‍ച്ച അമേരിക്കയുടേതിനെക്കാളും ശക്തി പ്രാപിച്ചുവെന്ന് ചൂണ്ടിക്കാണിക്കുന്നത്.
ലോകത്തിലെ ആസ്തി 2000-ല്‍ 156 ട്രില്യണ്‍ ഡോളറില്‍ നിന്ന് 2020-ല്‍ 514 ട്രില്യണായാണ് വര്‍ധിച്ചത്. ഇതില്‍ ഏകദേശം മൂന്നിലൊന്നും ചൈനയുടേതാണ്. ചൈനയുടെ സമ്പത്ത് 2000-ല്‍ ഏഴ് ട്രില്യണ്‍ ഡോളറില്‍ നിന്ന് 120 ട്രില്യണ്‍ ഡോളറായി കുതിച്ചുയര്‍ന്നുവെന്ന് സൂറിച്ചിലെ മക്കിന്‍സി ഗ്ലോബല്‍ ഇന്‍സ്റ്റിറ്റ്യൂട്ടിലെ പങ്കാളിയായ ജാന്‍ മിഷ്‌കെ അഭിമുഖത്തില്‍ പറഞ്ഞു.
പ്രോപ്പര്‍ട്ടി വിലകളിലെ കൂടുതല്‍ നിശബ്ദമായ വര്‍ധനകള്‍ തടഞ്ഞുനിര്‍ത്തിയ യു എസ് ഈ കാലയളവില്‍ അതിന്റെ ആസ്തി ഇരട്ടിയിലധികം ഉയര്‍ന്ന് 90 ട്രില്യണ്‍ ഡോളറായി.
ലോകത്തിലെ ഏറ്റവും വലിയ സമ്പദ്വ്യവസ്ഥകള്‍ കൈയ്യാളുന്ന യു എസിലും ചൈനയിലും സമ്പത്തിന്റെ മൂന്നില്‍ രണ്ട് ഭാഗവും സമ്പന്നരായ 10 ശതമാനം കുടുംബങ്ങളുടെ കൈവശമാണെന്നും അവരുടെ വിഹിതം വര്‍ധിച്ചുകൊണ്ടിരിക്കുകയാണെന്നും റിപ്പോര്‍ട്ട് പറയുന്നു.
