കൊച്ചി: ഒ ടി ടി പ്ലാറ്റ്ഫോമുകളുടെ കാലത്ത് ലോകമെമ്പാടുമുള്ള സിനിമപ്രേമികള് വീട്ടിലിരുന്നും മറ്റും സിനിമ ആസ്വദിക്കുന്ന ഈ അവസരത്തില് മലയാളി പ്രേക്ഷകരെ മാത്രം ലക്ഷ്യം വെച്ച് ആദ്യമായി ഒരു സ്ട്രീമിംഗ് പ്ലാറ്റ്ഫോമായി അവതരിച്ച മെയിന്സ്ട്രീം ടി വി പുതിയ സ്കീമുകള് രംഗത്തിറക്കി. പ്രേക്ഷകര്ക്ക് മലയാള ഭാഷയിലുള്ള സിനിമകള്, പാട്ടുകള്, ഹ്രസ്വചിത്രങ്ങള്, അനിമേഷന് ചിത്രങ്ങള്, വെബ് സീരീസുകള്, അഭിമുഖങ്ങള്, ഹാസ്യ പരിപാടികള് തുടങ്ങിയവ മെയിന് സ്ട്രീം ടി വിയില് ലഭ്യമാണ്.
വരുമാനം പങ്കിടാതെ സ്വന്തം സിനിമയുടെ വരുമാനം 100 ശതമാനം സ്വന്തം കൈകളിലേക്ക് എന്ന മികച്ച സ്കീമുമായാണ് മെയിന് സ്ട്രീം ടി വി മറ്റുള്ള ഒ ടി ടി പ്ലാറ്റ്ഫോമുകളില് നിന്ന് വേറിട്ടു നില്ക്കുന്നത്. കൂടാതെ ഇന്ത്യയില് തന്നെ ആദ്യമായി ഒ ടി ടി പ്ലാറ്റ്ഫോം റെന്റല് ആയി ഉപയോഗിക്കാമെന്ന പ്രത്യേകതയും ഈ സ്കീമിനുണ്ട്. ഇതിനെല്ലാം പുറമെ ഒരു ബഫറിങ് പോലുമില്ലാതെ സിനിമകള് ആസ്വദിക്കാനാവുകയും സുതാര്യവും വിശ്വസ്തവുമായ ഡാഷ്ബോര്ഡ് ലഭ്യമാക്കുകയും ചെയ്യുന്നു.
എളുപ്പത്തില് ഉപയോഗിക്കാവുന്ന പേയ്മെന്റ് ഓപ്ഷനുകളാണ് മറ്റൊരു പ്രത്യേകത. വര്ഷങ്ങളായി ദേശീയ മാധ്യമ രംഗത്ത് പ്രവര്ത്തന പരിചയമുള്ള ശിവ എസ് എന്ന ബാംഗ്ലൂര് മലയാളിയും സ്റ്റാര് സ്പോര്ട്സ് മലയാളത്തിന്റെ മുന് ഹെഡായിരുന്ന ജോയിസ് ജോസ്, ത്രാഷ് മെറ്റല് സംഗീതജ്ഞനുമായ ജയകൃഷ്ണന് എന്നിവരാണ് ‘മെയിന്സ്ട്രീം ടി വി’ എന്ന ഈ മികച്ച ഒ ടി ടി പ്ലാറ്റഫോമിന് പിറകില്.
