കൊച്ചി: ജിയോ ബേബി സംവിധാനം ചെയ്യുന്ന കാതല് ദി കോര് സെക്കന്റ് ലുക്ക് പോസ്റ്ററില് അല്പം ഗൗരവത്തില് മമ്മൂട്ടിയും ജ്യോതികയും. മെഗാ സ്റ്റാര് മമ്മൂട്ടിയോടൊപ്പം വര്ഷങ്ങളുടെ ഇടവേള കഴിഞ്ഞു മലയാളത്തിലേക്ക് തിരിച്ചെത്തുകയാണ് ജ്യോതിക.
ചിത്രത്തിന്റെ ഫസ്റ്റ് ലുക്ക് പോസ്റ്ററില് വളരെ സന്തോഷത്തിലുള്ള കുടുംബാംഗങ്ങളെ പോലെയാണ് മമ്മൂട്ടിയുടേയും ജ്യോതികയുടെയും കഥാപാത്രങ്ങള് പ്രത്യക്ഷപ്പെട്ടിരുന്നത്. കാതലിന്റെ പ്രമേയം തന്നെ ഏറെ ആകര്ഷിച്ച ഒന്നാണെന്നു നേരത്തെ തെന്നിന്ത്യന് താരം സൂര്യ അഭിപ്രായപ്പെട്ടിരുന്നു.
മമ്മൂട്ടി കമ്പനി നിര്മ്മാണം നിര്വഹിക്കുന്ന കാതല് ദുല്ഖര് സല്മാന്റെ വേഫേറെര് ഫിലിംസ് ആണ് വിതരണം ചെയ്യുന്നത്. സാലു കെ തോമസാണ് ഛായാഗ്രാഹകന്. ആദര്ശ് സുകുമാരന്, പോള്സണ് സക്കറിയ എന്നിവര് ചേര്ന്നാണ് തിരക്കഥ ഒരുക്കിയിരിക്കുന്നത്. മുത്തുമണി, ചിന്നു ചാന്ദിനി, സുധി കോഴിക്കോട്, അലിസ്റ്റര് അലക്സ്, അനഘ അക്കു, ജോസി സിജോ, ആദര്ശ് സുകുമാരന് തുടങ്ങിയവര് മറ്റു പ്രധാന വേഷങ്ങളില് എത്തുന്നു. ചിത്രത്തിന്റെ എക്സിക്യൂട്ടീവ് പ്രൊഡ്യൂസര് എസ് ജോര്ജാണ്.
കാതലിന്റെ അണിയറ പ്രവര്ത്തകര് ഇവരാണ്. എഡിറ്റിങ്: ഫ്രാന്സിസ് ലൂയിസ്, സംഗീതം: മാത്യൂസ് പുളിക്കന്, ഗാനരചന: അന്വര് അലി, ജാക്വിലിന് മാത്യു, പി ആര് ഒ: പ്രതീഷ് ശേഖര്.
