കൊച്ചി: മമ്മൂട്ടി, വിനായകന് എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിന് കെ ജോസ് സംവിധാനം നിര്വഹിച്ച ‘കളങ്കാവല്’ എന്ന ക്രൈം ഡ്രാമ ചിത്രത്തിന്റെ ടീസര് പുറത്ത്. ചിത്രത്തിന്റെ മൂഡ് എന്തെന്ന് പ്രേക്ഷകരില് എത്തിക്കുന്ന തരത്തിലാണ് ടീസര് ഒരുക്കിയിരിക്കുന്നത്.
ആഗോളെ ആഗോള റിലീസായി എത്തിയ ‘ലോക’ എന്ന മലയാളം സൂപ്പര്ഹീറോ ചിത്രത്തിനൊപ്പം ഈ ടീസര് തിയേറ്ററുകളിലും പ്രദര്ശിപ്പിക്കും. മമ്മൂട്ടി കമ്പനി നിര്മ്മിക്കുന്ന ഈ ചിത്രം ദുല്ഖര് വേഫറര് ഫിലിംസാണ് കേരളത്തില് വിതരണത്തിനെത്തിക്കുന്നത്. ജിഷ്ണു ശ്രീകുമാറും ജിതിന് കെ ജോസും ചേര്ന്നാണ് കളങ്കാവലിന്റെ തിരക്കഥ രചിച്ചത്.
ടീസറില് മമ്മൂട്ടിയുടെ കഥാപാത്രത്തെ അവതരിപ്പിച്ചിരിക്കുന്ന രീതി പ്രേക്ഷകര് വളരെ ആവേശത്തോടെയാണ് സ്വീകരിച്ചിരിക്കുന്നത്. മമ്മൂട്ടിയെ ഇതുവരെ കാണാത്ത രൂപത്തിലും ഭാവത്തിലുമാണ് ഈ ചിത്രത്തില് അവതരിപ്പിക്കുന്നതെന്ന് ടീസര് സൂചിപ്പിക്കുന്നു. മലയാള സിനിമാ പ്രേമികള് ഏറെ ആകാംക്ഷയോടെയും ആവേശത്തോടെയും കാത്തിരിക്കുന്ന ചിത്രങ്ങളില് ഒന്നാണ് ‘കളങ്കാവല്’.
4 മാസത്തെ ഇടവേളക്ക് ശേഷം മമ്മൂട്ടിയെ വീണ്ടും ബിഗ് സ്ക്രീനില് കാണാനുള്ള അവസരമാണ് പ്രേക്ഷകര്ക്ക് ലഭിച്ചിരിക്കുന്നത്. ദുല്ഖര് സല്മാന് നായകനായെത്തിയ സൂപ്പര്ഹിറ്റ് ചിത്രം ‘കുറുപ്പ്’ന്റെ കഥ ഒരുക്കി ശ്രദ്ധ നേടിയ ജിതിന് കെ ജോസ് ആദ്യമായി സംവിധാനം ചെയ്യുന്ന ഈ ചിത്രം മമ്മൂട്ടി കമ്പനിയുടെ ബാനറില് നിര്മ്മിക്കുന്ന ഏഴാമത്തെ ചിത്രം കൂടിയാണ്. നേരത്തെ പുറത്ത് വന്ന ചിത്രത്തിന്റെ പോസ്റ്ററുകള് എല്ലാം തന്നെ സോഷ്യല് മീഡിയയില് വൈറലായിരുന്നു.
എക്സിക്യൂട്ടീവ് പ്രൊഡ്യൂസര്- ജോര്ജ് സെബാസ്റ്റ്യന്, ഛായാഗ്രഹണം- ഫൈസല് അലി, സംഗീതം- മുജീബ് മജീദ്, എഡിറ്റര്- പ്രവീണ് പ്രഭാകര്, ലൈന് പ്രൊഡ്യൂസര്- സുനില് സിംഗ്, പ്രൊഡക്ഷന് കണ്ട്രോളര്- അരോമ മോഹന്, പ്രൊഡക്ഷന് ഡിസൈനര്- ഷാജി നടുവില്, ചീഫ് അസോസിയേറ്റ് ഡയറക്ടര്- ബോസ്, മേക്കപ്പ്- അമല് ചന്ദ്രന്, ജോര്ജ് സെബാസ്റ്റ്യന്, വസ്ത്രാലങ്കാരം- അഭിജിത്ത് സി, സ്റ്റില്സ്- നിദാദ്, പബ്ലിസിറ്റി ഡിസൈന്സ്- ആന്റണി സ്റ്റീഫന്, ഡിജിറ്റല് മാര്ക്കറ്റിംഗ്- വിഷ്ണു സുഗതന്, ഓവര്സീസ് ഡിസ്ട്രിബൂഷന് പാര്ട്ണര്- ട്രൂത് ഗ്ലോബല് ഫിലിംസ്, പിആര്ഓ – വൈശാഖ് സി വടക്കേവീട്, ജിനു അനില്കുമാര്.
