കൊച്ചി: കോക്കേഴ്സ് മീഡിയ എന്റര്ടെയ്ന്മെന്റ്സിന്റെ ബാനറില് ഇന്ദ്രജിത്ത് സുകുമാരന്, ശ്രുതി രാമചന്ദ്രന്, സര്ജാനോ ഖാലിദ്, വിന്സി അലോഷ്യസ് എന്നിവരെ കേന്ദ്രകഥാപാത്രങ്ങളാക്കി അരുണ് ബോസ് സംവിധാനം ചെയ്യുന്ന പുതിയ ചിത്രം ‘മാരിവില്ലിന് ഗോപുരങ്ങള്’ലെ പുതിയ ഗാനം റിലീസായി.
മെലഡികളുടെ കിംങ് എന്നറിയപ്പെടുന്ന വിദ്യാസാഗര് സംഗീതമൊരുക്കുന്ന സിനിമ കൂടിയാണ് മാരിവില്ലിന് ഗോപുരങ്ങള്. ചിത്രം ഫെബ്രുവരി 16ന് തിയേറ്റര് റിലീസിന് ഒരുങ്ങി.
മനം നിറയുന്ന വിനായക് ശശികുമാറിന്റെ വരികള്ക്ക് ഹരിഹരന് ആണ് ഗാനം ആലപിച്ചിരിക്കുന്നത്. ലൂക്ക, മിണ്ടിയും പറഞ്ഞും എന്നീ ചിത്രങ്ങള്ക്ക് ശേഷം അരുണ് ബോസ് സംവിധാനം ചെയ്യുന്ന ഫാമിലി എന്റര്ടെയിനറായ ഈ ചിത്രത്തിന്റെ കഥ ഒരുക്കിയിരിക്കുന്നത് സംവിധായകനും പ്രമോദ് മോഹനും ചേര്ന്നാണ്.
ഇന്ദ്രജിത്ത് സുകുമാരന്, ശ്രുതി രാമചന്ദ്രന്, സര്ജാനോ ഖാലിദ്, വിന്സി അലോഷ്യസ് എന്നിവരെ കൂടാതെ വസിഷ്ഠ് ഉമേഷ്, ജോണി ആന്റണി, സലീം കുമാര്, വിഷ്ണു ഗോവിന്ദ് തുടങ്ങിയവരും സിനിമയിലെ മറ്റ് കഥാപാത്രങ്ങളെ അവതരിപ്പിക്കുന്നു. വിനായക് ശശികുമാറിന്റെതാണ് വരികള്.
ശ്യാമപ്രകാശ. എം എസ് ഛായാഗ്രഹണം നിര്വ്വഹിക്കുന്ന ചിത്രത്തിന്റെ ചിത്രസംയോജനം ഷൈജല് പി വിയും അരുണ് ബോസും ചേര്ന്നാണ് കൈകാര്യം ചെയ്യുന്നത്. പി ആര് ഒ: പി ശിവപ്രസാദ്.
