കോഴിക്കോട്: ഹജ്ജ് എംബാര്ക്കേഷന് കേന്ദ്രങ്ങളുടെ പട്ടികയില് ഇത്തവണയും കരിപ്പൂര് വിമാനത്താവളമില്ല. കേരളത്തില് നിന്ന് കൊച്ചി മാത്രമാണ് എംബാര്ക്കേഷന് കേന്ദ്രമായുള്ളത്. കോവിഡ് മൂലം വെട്ടി കുറച്ച കേന്ദ്രങ്ങള് പുനസ്ഥാപിക്കില്ലെന്നും കേന്ദ്രം വ്യക്തമാക്കി. കരിപ്പൂര് വിമാനത്താവളത്തില് ഹജ്ജ് എംബാര്ക്കഷേന് പുനഃസ്ഥാപിക്കണമെന്നുള്ളത് മലബാര് ജില്ലകള് നിരന്തരം ആവശ്യപ്പെടുന്ന കാര്യമാണ്. അതേസമയം ഈ വര്ഷത്തെ ഹജ്ജ് നടപടികള്ക്ക് തുടക്കമായി. ഹജ്ജിനായി ജനുവരി 31 വരെ അപേക്ഷിക്കാം. ഇത്തവണ അപേക്ഷകള് പൂര്ണ്ണമായും ഡിജിറ്റലാണ്. മൊബൈല് ആപ്പ് വഴിയും അപേക്ഷ സമര്പ്പിക്കാന് സാധിക്കും.
