ദുബായ്: തെരഞ്ഞെടുപ്പിന് മുന്നോടിയായുള്ള സമഗ്രമായ പ്രയത്നങ്ങള്ക്കും തീവ്രമായ തിരഞ്ഞെടുപ്പ് പ്രചാരണത്തിനും ശേഷം മൂന്നാം തവണയും കൗണ്സില് ഓഫ് ഇന്റര്നാഷണല് മാരിടൈം ഓര്ഗനൈസേഷനിലേക്ക് (ഐ എം ഒ) കാറ്റഗറി ബി അംഗത്വത്തിലേക്ക് യു എ ഇ വീണ്ടും തെരഞ്ഞെടുക്കപ്പെട്ടു. ആഗോള സമുദ്ര, ലോജിസ്റ്റിക് വ്യവസായത്തിന്റെ വളര്ച്ചയ്ക്ക് സംഭാവന നല്കുന്നതിനിടയില് ദേശീയ സമുദ്രമേഖലയെ ശക്തിപ്പെടുത്തുന്നതില് രാജ്യം സജീവമായ പങ്ക് വഹിക്കുന്നു.
2021 ഡിസംബര് 15-ന് സമാപിക്കുന്ന ലണ്ടനിലെ ഐ എം ഒ അസംബ്ലിയുടെ 32-ാമത് സെഷനിലാണ് തെരഞ്ഞെടുപ്പ് ഫലങ്ങള് പ്രഖ്യാപിച്ചത്. വീണ്ടും തെരഞ്ഞെടുക്കപ്പെട്ടപ്പോള് സമുദ്ര സുരക്ഷാ മാനദണ്ഡങ്ങള് വര്ധിപ്പിക്കുന്നതിനും സമുദ്ര പരിസ്ഥിതി സംരക്ഷിക്കുന്നതിനും ആഗോള വ്യവസായത്തിന്റെ കാര്യക്ഷമത വര്ധിപ്പിക്കുന്നതിനുമുള്ള തന്ത്രങ്ങള്, നയങ്ങള്, കരാറുകള് എന്നിവ വികസിപ്പിക്കുന്നതില് നിര്ണായക പങ്കുവഹിച്ചതിന് യു എ ഇക്ക് അന്താരാഷ്ട്ര പ്രശംസ ലഭിച്ചു.
