കോഴിക്കോട്: സി പി എം കോഴിക്കോട് ജില്ലാ സമ്മേളനം ഒന്‍പതിന് ആരംഭിക്കുമെന്ന് ജില്ലാ സെക്രട്ടറി പി മോഹനന്‍ മാസ്റ്റര്‍ വാര്‍ത്താ സമ്മേളനത്തില്‍ അറിയിച്ചു.
ഒന്‍പതിന് വൈകിട്ട് അഞ്ച് മണിക്ക് കടപ്പുറത്തെ പൊതുസമ്മേളന വേദിയായ ഇ എം എസ് നഗറില്‍ സ്വാഗതസംഘം ചെയര്‍മാന്‍ തോട്ടത്തില്‍ രവീന്ദ്രന്‍ എം എല്‍ എ പതാക ഉയര്‍ത്തുന്നതോടെ സമ്മേളന പരിപാടികള്‍ക്ക് തുടക്കമാകും.
10ന് രാവിലെ ഒന്‍പതിന് പ്രതിനിധികളുടെ രജിസ്‌ട്രേഷന്‍ നടപടികള്‍ തുടങ്ങും. രാവിലെ 10ന് സംസ്ഥാന സെക്രട്ടറി കോടിയേരി ബാലകൃഷ്ണന്‍ ഉദ്ഘാടനം ചെയ്യും. 10നും രണ്ടാം ദിവസമായ 11നും പ്രതിനിധി ചര്‍ച്ച നടക്കും.
12ന് രാവിലെ 10ന് ചേരുന്ന പ്രതിനിധി സമ്മേളനം പുതിയ ജില്ലാകമ്മിറ്റിയെയും സംസ്ഥാന സമ്മേളന പ്രതിനിധികളെയും തെരഞ്ഞെടുക്കും.
വൈകീട്ട് നാലിന് ഫ്രീഡം സ്‌ക്വയറിലെ ഇ എം എസ് നഗറില്‍ നടക്കുന്ന പൊതുസമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. കോടിയേരി ബാലകൃഷ്ണന്‍, എ വിജയരാഘവന്‍, ഇ പി ജയരാജന്‍, ശ്രീമതി ടീച്ചര്‍, എളമരം കരീം, എ കെ ബാലന്‍, ടി പി രാമകൃഷ്ണന്‍ തുടങ്ങിയ നേതാക്കള്‍ പ്രസംഗിക്കും.
കോവിഡ് മാനദണ്ഡങ്ങള്‍ അനുസരിച്ച് ക്രമീകരിക്കുന്ന പരിപാടിയില്‍ ആയിരത്തിലധികം കേന്ദ്രങ്ങളില്‍ വെര്‍ച്വലായി പൊതുസമ്മേളനം സംപ്രേക്ഷണം ചെയ്യുവാനാണ് ഉദ്ദേശിക്കുന്നെതെന്നും സ്വാഗതസംഘം ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.
വാര്‍ത്താ സമ്മേളനത്തില്‍ ജില്ലാ സെക്രട്ടറിയേറ്റംഗങ്ങളായ എം മെഹ്ബൂബ്, എ പ്രദീപ് കുമാര്‍, എം ജോര്‍ജ് തോമസ്, തോട്ടത്തില്‍ രവീന്ദ്രന്‍ എം എല്‍ എ എന്നിവരും പങ്കെടുത്തു.
