ഭിന്നശേഷിക്കാര്‍ക്ക് സൗജന്യ യാത്ര കൊച്ചി മെട്രോ പിന്‍വലിച്ചു

Last updated: January 10, 2023 11:38 pm

4 years ago

1 Min Read

കൊച്ചി: ഭിന്നശേഷിക്കാര്‍ക്കുണ്ടായിരുന്ന സൗജന്യ യാത്ര കൊച്ചി മെട്രോ പിന്‍വലിച്ചു. ഭിന്നശേഷിക്കാര്‍ക്കൊപ്പമുള്ളയാള്‍ക്ക് പകുതി നിരക്കെന്ന ഇളവും പിന്‍വലിച്ചു. കോവിഡ് കാലത്ത് മാത്രം നടപ്പാക്കിയ ഇളവാണിതെന്നാണ് കൊച്ചി മെട്രോ പറയുന്നത്.

ഭിന്നശേഷിക്കാര്‍ക്ക് സീറ്റ് സംവരണം ഉള്‍പ്പെടെയുള്ള മറ്റ് സൗജന്യങ്ങള്‍ കൊച്ചി മെട്രോ തുടരും. രാജ്യത്തെ മറ്റ് മെട്രോകളിലും ഭിന്നശേഷിക്കാര്‍ക്ക് സൗജന്യവും ഒപ്പമുള്ളയാള്‍ക്ക് പകുതി ചാര്‍ജുമില്ലെന്നും കൊച്ചിയില്‍ മാത്രമാണ് ഇത് അനുവദിച്ചിരുന്നതെന്നും കെ എം ആര്‍ എല്‍ അറിയിച്ചു.