കൊച്ചി: സ്ത്രീകളുടെ സൗന്ദര്യവും കഴിവും മാറ്റുരച്ച ഗ്ലിറ്റ്സ് ആന്റ് ഗ്ലാമര് മിസ്സ് ആന്റ് മിസ്സിസ് കേരളം: ദി ക്രൗണ് ഓഫ് ഗ്ലോറി രണ്ടാം സീസണ് സില്വര് വിഭാഗത്തില് ഡോ. ആര്യ കുറുപ്പ് വിജയിയായി തെരഞ്ഞെടുക്കപ്പെട്ടു. ഡോ. അലിഡ വിന്സെന്റ് ഒന്നാം റണ്ണറപ്പും ആദിത്യ കെ വി രണ്ടാം റണ്ണറപ്പ് സ്ഥാനവും നേടി.
ഗോള്ഡ് വിഭാഗത്തില് ഡോ. സുമി ജോസ് കിരീടം ചൂടിയപ്പോള് ധന്യാ മാത്യു ഒന്നാം റണ്ണറപ്പായും നോയ് ലിസ് ടാനിയ രണ്ടാം റണ്ണറപ്പായും തെരഞ്ഞെടുക്കപ്പെട്ടു. മിസ് കേരളം സില്വര് വിഭാഗത്തില് പൂജ ആര് എ വിജയിയായി.
ഗ്ലിറ്റ്സ് ആന്ഡ് ഗ്ലാമര് സ്ഥാപകയും മിസ്സിസ് ഇന്ത്യ എമ്പ്രസ്സ് ഓഫ് നേഷന് 2023 വിജയിയുമായ ദീപ പ്രസന്നയുടെ നേതൃത്വത്തിലുള്ള സൗന്ദര്യ മത്സരത്തില് മിസിസ് വിഭാഗത്തിനൊപ്പം ഇത്തവണ മിസ് വിഭാഗവും ആദ്യമായി അവതരിപ്പിച്ചു. നാലുദിവസം നീണ്ട മത്സരത്തിന്റെ ഫിനാലെ കൊച്ചി റാഡിസണ് ബ്ലൂ ഹോട്ടലിലാണ് നടന്നത്.
ഡോക്ടര്മാര്, അഭിഭാഷകര്, ഐ ടി പ്രൊഫഷണലുകള് തുടങ്ങി വിവിധ മേഖലകളില് കഴിവ് തെളിയിച്ച 30 മത്സരാര്ഥികള് പ്രായഭേദമന്യേ സില്വര്, ഗോള്ഡ്, മിസ് എന്നീ മൂന്ന് വിഭാഗങ്ങളിലെ കിരീടത്തിനായാണ് മത്സരിച്ചത്.
19 മുതല് 61 വയസ്സ് വരെയുള്ള മത്സരാര്ഥികള് പങ്കെടുത്ത ഈ രീതിയിലുള്ള ഷോ ഇന്ത്യയില് തന്നെ ആദ്യമായിട്ടായിരിക്കും സംഘടിപ്പിച്ചത്. കൂടാതെ അര്ബുദ രോഗത്തെ അതിജീവിച്ച ഡോ. ആതിര ആര് നാഥ്, 61 വയസുകാരിയായ സുമ രവി എന്ന മത്സരാര്ഥികള് പ്രചോദനമായി.
മത്സരാര്ഥികള്ക്ക് മികച്ച ഗ്രൂമിംഗ്, മെന്റോര്ഷിപ്പ് എന്നിവ ലഭ്യമാക്കാന് മൂന്നു ദിവസങ്ങളിലായി ഫാഷന് മേഖലയിലെ വിദഗ്ധര് പരിശീലനം നല്കിയിരുന്നു. യാര, സിട്ര ഡിസൈനേഴ്സായിരുന്നു പരിപാടിയുടെ ഔദ്യോഗിക കോസ്റ്റ്യൂം ഡിസൈനേഴ്സ്. ഗ്രൂമിംഗ് വിദഗ്ദ്ധരായി ദീവ പേജന്റ സ്ഥാപകരായ അഞ്ജനയു കാള് മാസ്കറീനാസും കൊറിയോഗ്രാഫറായി ജൂഡ് ഫിലിക്സും ഗ്ലാം കോച്ച് ആന്റ് ക്യൂറേറ്ററായി സിസിലിയ സന്യാലും മത്സാര്ഥികള്ക്ക് മാര്ഗനിര്ദേശങ്ങള് നല്കി. ഇത് കൂടാതെ ഈ വര്ഷത്തെ മത്സരത്തിന് ഡെന്റല് പാര്ട്ണറായി ഡോക്ടര് സ്മൈല് സ്ഥാപക ഡോ. രേഷ്മ, ഗിഫ്റ്റിംഗ് പാര്ട്ണറായി അലൈ ഇന്റര്നാഷണലും പങ്കെടുത്തു.
ഗ്രാന്റ് ഫിനാലെയില് ജഡ്ജിംഗ് പാനലില് കാള് മാസ്കറീനാസ്, എയര്പോര്ട് അതോറിറ്റി ഓഫ് ഇന്ത്യ ഡെപ്യൂട്ടി ജനറല് മാനേജരും മിസ്സിസ് മില്ലേനിയം യൂണിവേഴ്സ് ഇന്ത്യ 2025 വിജയിയായ മാര്ഗരറ്റ് എ പി, ഗ്ലിറ്റ്സ് ആന്ഡ് ഗ്ലാമര് മിസ്സിസ് കേരളം 2024 ഗോള്ഡ് വിഭാഗം വിജയിയായ പ്രിയങ്ക കണ്ണന്, സില്വര് വിഭാഗം ഫസ്റ്റ് റണ്ണറപ്പായ അമിത എലിയാസ്, സെക്കന്റ് റണ്ണറപ്പായ ഡോ. ശില്പ്പ എന്നിവരും ഉള്പ്പെടുന്നു.
