കൊല്ലം: അഞ്ചാലുംമൂട് നീരാവില് ജംഗ്ഷനിലെ വീട്ടില് അലമാരയില് അവശനിലയില് കണ്ടെത്തിയ വനിത ആശുപത്രിയില് മരിച്ചു. ലിയോണ് അഞ്ചെലിന ഡെയിലില് ബിയാട്രീസ് ഡോളി(58)യാണ് മരിച്ചത്. തിരുവനന്തപുരം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തില് ചികിത്സയിലായിരുന്നു.
കഴിഞ്ഞ ചൊവ്വാഴ്ചയാണ് നീരാവില് ജങ്ഷനു സമീപമുള്ള വീട്ടില് ഇവര് അവശനിലയില് കഴിയുന്നവിവരം പാലിയേറ്റീവ് നഴ്സ് മാര്ഗ്രരറ്റ് അഞ്ചാലുംമൂട് ജനമൈത്രി പൊലീസില് അറിയിച്ചത്. പൊലീസ് ബീറ്റ് ഓഫീസര്മാര് വീട്ടിലെത്തിയപ്പോള് അടപ്പില്ലാത്ത അലമാരയുടെ തട്ടില് അവശനിലയില് ഇവരെ കണ്ടെത്തുകയായിരുന്നു. കണ്ണ് പഴുത്ത് പുറത്തേക്കു തള്ളിയനിലയിലായിരുന്നു.
സാമൂഹിക പ്രവര്ത്തകനായ ഗണേശന്റെ സഹായത്തോടെ വീട്ടമ്മയെ ആംബുലന്സില് തിരുവനന്തപുരം മെഡിക്കല്കോളേജ് ആശുപത്രിയിലെത്തിക്കുകയായിരുന്നു.
മൃതദേഹം ഏറ്റുവാങ്ങാനായി ഗണേശന് മെഡിക്കല്കോളേജ് ആശുപത്രിയിലെത്തിയെങ്കിലും ഡോക്ടറുടെ റിപ്പോര്ട്ടിനെ തുടര്ന്ന് മൃതദേഹപരിശോധനയ്ക്കായി ആശുപത്രിയിലെ മോര്ച്ചറിയിലേക്കു മാറ്റി. ഇവര്ക്ക് കൊവിഡ് സ്ഥിരീകരിച്ചിട്ടുണ്ട്.
