കൊച്ചി: പുതുമുഖതാരങ്ങളെ അണിനിരത്തി ഒരുക്കിയ ലാല്ജോസ് നാളെ റിലീസ് ചെയ്യും. അവതരണത്തിലെ പുതുമയും പ്രമേയത്തിലെ വ്യത്യസ്തതയും കൊണ്ട് ഏറെ ശ്രദ്ധേയമായ ചിത്രമാണ് ലാല്ജോസ്.
666 പ്രൊഡക്ഷന്സിന്റെ ബാനറില് ഹസീബ് മേപ്പാട്ട് നിര്മ്മിച്ച് നവാഗതനായ കബീര് പുഴമ്പ്രം ഒരുക്കുന്ന സിനിമയാണ് ലാല് ജോസ്. മലയാളത്തിലെ പ്രമുഖ സംവിധായകനായ ലാല് ജോസിന്റെ പേരുതന്നെയാണ് ചിത്രത്തിന്റെ ടൈറ്റില്. സിനിമയെയും സിനിമ പ്രവര്ത്തകരെയും ആരാധിച്ചു നടക്കുന്ന ഒരു ചെറുപ്പക്കാരന്റെ ജീവിതത്തിലെ വഴിത്തിരിവാണ് ലാല്ജോസ് സിനിമയുടെ കേന്ദ്ര പ്രമേയം. സസ്പെന്സും ത്രില്ലും നിറഞ്ഞ ഫാമിലി എന്റര്ടൈനറാണ് ലാല്ജോസ്. എന്നാല് പേരു സൂചിപ്പിക്കുന്നതിലൂടെ ചിത്രത്തിന് വളരെ വ്യത്യസ്തമായ ഒരു സസ്പെന്സ് ഉണ്ടെന്നും സംവിധായകന് ചൂണ്ടിക്കാട്ടുന്നു.
ഒട്ടേറെ വെബ്സീരിയലുകളിലൂടെ ശ്രദ്ധേയനായ യുവനടന് ശാരിഖ് ആണ് ലാല്ജോസിലെ നായക കഥാപാത്രത്തെ അവതരിപ്പിക്കുന്നത്. പുതുമുഖ നടി ആന് ആന്ഡ്രിയയാണ് ഇതിലെ നായിക. ഭഗത് മാനുവല്, ജെന്സണ്, റിസബാവ, കലിങ്ക ശശി, ടോണി, മജീദ്, കലാഭവന് ഹനീഷ്, വിനോദ് കെടാമംഗലം, സാലു കുറ്റനാട്, ദേവി അജിത്ത്, ദേവിക, മാളവിക, ഫജ്ത, രാജേഷ് ശര്മ്മ, വി.കെ. ബൈജു തുടങ്ങിയവരാണ് അഭിനേതാക്കള്. പി ആര് സുമേരനാണ് പി ആര് ഒ.
