തിരുവനന്തപുരം: മഹമൂദ് മാട്ടൂലിന്റെ പുതിയ ലേഖന സമാഹാരമായ കണ്ടതും കേട്ടതും തിരുവനന്തപുരം നിയമസഭ അന്താരാഷ്ട്ര പുസ്തകോത്സവ വേദിയില് പ്രകാശനം ചെയ്തു.
നോവലിസ്റ്റും നിരൂപകനായ പ്രശസ്ത എഴുത്തുകാരന് ഡോ. ജോര്ജ്ജ് ഓണക്കൂര് പ്രകാശനം ചെയ്തു. എം വിജിന് എം എല് എ ആദ്യ പ്രതി ഏറ്റുവാങ്ങി. മുന് എം പി പന്ന്യന് രവീന്ദ്രന് ചടങ്ങില് അധ്യക്ഷത വഹിച്ചു. കവിയും ഒരുമ മാസികയുടെ പത്രാധിപരുമായ സുധാകരന് ചന്തവിള പുസ്തകം പരിചയപ്പെടുത്തി.
എഴുത്തുകാരിയും കേരള അഡീഷണല് മുന് സെക്രട്ടറിയുമായിരുന്ന സജിനി എസ്, പ്രമുഖ സാമൂഹ്യ പ്രവര്ത്തകനായ കെ വി അബ്ദുള്ളകുട്ടി ഹാജി, എഴുത്തുകാരനും ചന്ദ്രിക സഹപത്രാധിപരുമായ ഫിര്ദൗസ് കായല്പുറം എന്നിവര് ആശംസകള് നേര്ന്നു.
ലിപിയുടെ പബ്ലിക്കേഷന് മാനേജര് ബാബു വര്ഗ്ഗീസ് സ്വാഗതവും മഹമൂദ് മാട്ടൂല് നന്ദിയും പറഞ്ഞു.
ഖത്തര് പ്രവാസിയായ മഹമൂദ് മാട്ടൂലിന്റെ 16-ാമത്തെ പുസ്തകമാണ് കണ്ടതും കേട്ടതും. ലിപി പബ്ലിക്കേഷന് പ്രസിദ്ധീകരിച്ച ഈ പുസ്തകത്തിന് ആറ്റക്കോയ പള്ളിക്കണ്ടിയാണ് അവതാരിക എഴുതിയത്.
