അമൃത്സര്: പഞ്ചാബ് മുഖ്യമന്ത്രി അമരീന്ദര് സിംഗ് രാജിവെച്ചു. രാജിക്കത്ത് അദ്ദേഹം ഗവര്ണര്ക്ക് കൈമാറി.
പഞ്ചാബ് നിയമസഭ തെരഞ്ഞെടുപ്പ് അടുത്തതോടെ മാറിനില്ക്കാന് അമരീന്ദറിനോട് ഹൈക്കമാന്ഡ് നിര്ദേശിച്ചതായി റിപ്പോര്ട്ടുകള് ഉണ്ടായിരുന്നു. നിരവധി എം എല് എമാര് അമരീന്ദറിന്റെ മാറ്റം ആവശ്യപ്പെട്ട് നേരത്തേ തന്നെ രംഗത്തെത്തിയിരുന്നു.
കോണ്ഗ്രസ് അധ്യക്ഷ സോണിയ ഗാന്ധിയുമായി അമരീന്ദര് കൂടിക്കാഴ്ച നടത്തിയിരുന്നു.
അമരീന്ദറിന്റെ മുഖ്യമന്ത്രി സ്ഥാനവുമായി ബന്ധപ്പെട്ട് 40 എം എല് എമാര് ഹൈക്കമാന്ഡിന് കത്ത് നല്കിയിരുന്നു. പുതിയ നേതൃത്വം സംസ്ഥാനത്ത് വേണമെന്നാണ് ഇവരുടെ ആവശ്യം.
