കൊച്ചി: സംവിധായകന് മനീഷ് കുറുപ്പ് കഥയും തിരക്കഥയും ഒരുക്കി സംവിധാനം ചെയ്ത ‘വെള്ളരിക്കാപ്പട്ടണം’ പ്രേക്ഷകരിലേക്കെത്തുന്നു. ഏപ്രില് എട്ടിന് ചിത്രം തിയേറ്ററില് റിലീസ് ചെയ്യും.
പുതുമയുള്ള പ്രമേയവുമായി കുടുംബ സദസ്സുകളിലേക്കെത്തുന്ന വെള്ളരിക്കാപ്പട്ടണത്തിലെ ഗാനങ്ങളെല്ലാം ലക്ഷക്കണക്കിന് സംഗീത ആസ്വാദകരുടെ മനം കവര്ന്ന പാട്ടുകളായിരുന്നു.
ചിത്രത്തിന്റെ സെന്സറിംഗും അനുബന്ധപ്രവര്ത്തനങ്ങളും ഇതേപേരില് ഒരുങ്ങുന്ന മറ്റൊരു സിനിമയുടെ താരങ്ങളും അണിയറ പ്രവര്ത്തകരും തടയാന് ശ്രമിച്ചതായി നേരത്തെ ആരോപണമുണ്ടായിരുന്നു.
മുന് മന്ത്രിമാരായ കെ കെ ശൈലജ ടീച്ചറും വി എസ് സുനില് കുമാറും സിനിമയിലുണ്ട്. മലയാളത്തില് ഇന്നുവരെ പരിചിതമല്ലാത്ത ഫ്രീ പ്രൊഡക്ഷന് ഷൂട്ടിംഗ് എന്ന രീതിയിലാണ് സിനിമ ചിത്രീകരിച്ചത്.
ഇന്നത്തെ തലമുറയുടെ അലസതയിലേക്കുള്ള ചൂണ്ടുപലക കൂടിയാണ് ഈ സിനിമയെന്നും ജീവിത വഴിയിലെ വിജയപാതകളെ തിരഞ്ഞെടുക്കാന് പുതുതലമുറയെ പ്രേരിപ്പിക്കുന്ന ചിത്രം കൂടിയാണ് വെള്ളരിക്കാപ്പട്ടണമെന്നും സംവിധായകന് മനീഷ് കുറുപ്പ് പറയുന്നു. പ്രണയം, സൗഹൃദം, ആത്മബന്ധങ്ങള് തുടങ്ങിയവയെല്ലാം ചിത്രം ഒപ്പിയെടുത്തിട്ടുണ്ട്. സ്നേഹാര്ദ്രമായ രണ്ട് പ്രണായനുഭവങ്ങള് കൂടി ഈ ചിത്രം പങ്കുവയ്ക്കുന്നു.
മലയാളത്തിലെ എക്കാലത്തെയും സൂപ്പര്ഹിറ്റ് ചിത്രങ്ങളിലൂടെ ബാലതാരമായി സിനിമയില് അരങ്ങേറ്റം കുറിച്ച യുവനടന് ടോണി സിജിമോനാണ് ചിത്രത്തിലെ നായകന്. സൂപ്പര്ഹിറ്റ് ചിത്രങ്ങളായിരുന്ന പളുങ്ക്, മാടമ്പി, ചോട്ടാമുംബൈ, മായാവി, ഹലോ, ഭ്രമരം തുടങ്ങിയ ചിത്രങ്ങളില് ബാലതാരമായാണ് ടോണി സിജിമോന് സിനിമയിലേക്കെത്തുന്നത്.
അഭിനേതാക്കള്- ടോണി സിജിമോന്, ജാന്വി ബൈജു, ഗൗരി ഗോപിക, ബിജു സോപാനം, ജയന് ചേര്ത്തല, എം ആര് ഗോപകുമാര്, കൊച്ചുപ്രേമന്, ജയകുമാര്, ദീപു നാവായിക്കുളം, കവിത, മഞ്ജു പുനലൂര്, സൂരജ് സജീവ്. ബാനര്- മംഗലശ്ശേരില് മൂവീസ്, സംവിധാനം- മനീഷ് കുറുപ്പ്, ക്യാമറ- ധനപാല്, സംഗീതം- ശ്രീജിത്ത് ഇടവന, ഗാനരചന- കെ ജയകുമാര്, മനീഷ് കുറുപ്പ്. സംവിധാനസഹായികള്- വിജിത്ത് വേണുഗോപാല്, അഖില് ജെ പി, ജ്യോതിഷ് ആരംപുന്ന, മേക്കപ്പ്- ഇര്ഫാന് ഇമാം, സതീഷ് മേക്കോവര്, സ്റ്റില്സ്- അനീഷ് വീഡിയോക്കാരന്, കളറിസ്റ്റ്- മഹാദേവന്, സി ജി-വിഷ്ണു പുളിയറ, മഹേഷ് കേശവ്, ടൈറ്റില് ഡിസൈന്- സുധീഷ് കരുനാഗപ്പള്ളി, ടെക് സപ്പോര്ട്ട്- ബാലു പരമേശ്വര്, പി ആര് ഒ- പി ആര് സുമേരന്, പരസ്യകല- കൃഷ്ണപ്രസാദ് കെ വി, സൗണ്ട് ഡിസൈന്-ഷൈന് പി ജോണ്, ശബ്ദമിശ്രണം- ശങ്കര്.
