തിരുവനന്തപുരം: ഫാസിസ്റ്റ് കടന്നാക്രമണങ്ങളുടെ കാലത്ത് ഐക്യത്തിന്റേയും ചെറുത്തു നില്പ്പിന്റേയും ശബ്ദം ഉയരണമെന്ന് മുന് മുഖ്യമന്ത്രി വി എസ് അച്യുതാനന്ദന്. പുന്നപ്ര- വയലാര് സമരത്തിന്റെ ഏഴരപ്പതിറ്റാണ്ട് വാര്ഷികാചരണ പരിപാടികള്ക്ക് ആശംസകളര്പ്പിച്ചാണ് വി എസ് ഇക്കാര്യം പറഞ്ഞത്. വി എസിന്റെ ഫേസ്ബുക്ക് പോസ്റ്റിലാണ് രക്തസാക്ഷികളെ സ്മരിച്ചുകൊണ്ട് ആശംസകള് അര്പ്പിച്ചിരിക്കുന്നത്.
‘സ്വാതന്ത്ര്യ സമര ചരിത്രത്തിലെ രക്തരൂക്ഷിതമായ പുന്നപ്ര- വയലാര് സമരത്തിന് ഏഴര പതിറ്റാണ്ട് തികയുകയാണ്. ഫാസിസ്റ്റ് കടന്നാക്രമണങ്ങളുടെ ഈ കാലഘട്ടത്തില്, ജനങ്ങളുടെ ഐക്യത്തിന്റേയും ചെറുത്തുനില്പ്പിന്റേയും ശബ്ദം ഉയരുമെന്ന പ്രത്യാശയോടെ, രക്തസാക്ഷികളെ സ്മരിച്ചുകൊണ്ട് ഈ എഴുപത്തഞ്ചാം വാര്ഷികാചരണ പരിപാടികള്ക്ക് ആശംസകളര്പ്പിക്കുന്നു,’ വി എസ് അച്യുതാനന്ദന് എഴുതി.
തിരുവിതാംകൂര് ദിവാനായിരുന്ന സര് സി പിയുടെ പട്ടാളത്തിന്റെ വെടിയേറ്റു വീരമൃത്യു വരിച്ച പുന്നപ്ര, മാരാരിക്കുളം, മേനാശേരി, വയലാര് സമരസഖാക്കളുടെ സ്മരണയാണ് പുതുക്കുന്നത്.
23ന് പുന്നപ്രയിലും 25ന് മേനാശേരിയിലും 26ന് മാരാരിക്കുളത്തും വീരസ്മരണ പുതുക്കും. 27ന് വയലാര് രക്തസാക്ഷി ദിനത്തോടെ വാരാചരണം സമാപിക്കും.
