കോഴിക്കോട്: ഈ മാസം 30ന് ഓട്ടോ,ടാക്സി തൊഴിലാളികള് സംസ്ഥാനത്ത് പണിമുടക്കും.നിരക്ക് പുതുക്കി നിശ്ചയിക്കുക, ഇ-ഓട്ടോറിക്ഷകള്ക്ക് പെര്മിറ്റ് നിര്ബന്ധമാക്കുക, തുടങ്ങിയ ആവശ്യങ്ങള് ഉന്നയിച്ചാണ് സമരം. ഓട്ടോ മിനിമം ചാര്ജ് നിലവിലുള്ളതിനേക്കാള് 5 രൂപയെങ്കിലും കൂട്ടണമെന്നാണ് തൊഴിലാളികളുടെ ആവശ്യം. അവസാനമായി സംസ്ഥാനത്ത് ഓട്ടോ, ടാക്സി നിരക്ക് കൂട്ടിയത് 2018 ഡിസംബറിലാണ്. അവശ്യസാധനങ്ങളുടെ വില ദിനംപ്രതി കുതിച്ചുയരുന്നതിന്റെയും ഇന്ധനവില വര്ധനയുടേയും സാഹചര്യത്തില് നാളുകളായി ഓട്ടോ-ടാക്സി മേഖല പ്രതിസന്ധിയിലാണ്. മൂന്ന് വര്ഷത്തിന് മുകളിലായി ഓട്ടോ ടാക്സി നിരക്ക് ഉയര്ത്തിയിട്ടെന്നും ഇനിയും നിരക്ക് വര്ധിപ്പിച്ചില്ലെങ്കില് പിടിച്ചുനില്ക്കാന് കഴിയില്ലെന്നും തൊഴിലാളികള് പറഞ്ഞു. ഗതാഗത മന്ത്രിയുമായി നടത്തിയ ചര്ച്ചയെ തുടര്ന്ന് നേരത്തെ സമരം മാറ്റിവച്ചിരുന്നു.
