ദോഹ: ഫ്രഞ്ച് തലസ്ഥാനമായ പാരീസിലെ ട്രോകാഡെറോ സ്‌ക്വയറില്‍ നടന്ന 33-ാമത് സമ്മര്‍ ഒളിമ്പിക് ഗെയിംസ് ‘പാരീസ് 2024’ന്റെ ഉദ്ഘാടന ചടങ്ങില്‍ അമീര്‍ ശൈഖ് തമീം ബിന്‍ ഹമദ് അല്‍ താനി പങ്കെടുത്തു.
‘പാരീസ് 2024’ എന്ന സമ്മര്‍ ഒളിമ്പിക് ഗെയിംസില്‍ പങ്കെടുക്കുന്ന ഖത്തര്‍ ടീം ഉള്‍പ്പെടെയുള്ള ഒളിമ്പിക്സിന്റെ ഈ പതിപ്പില്‍ പങ്കെടുക്കുന്ന കായിക പ്രതിനിധികള്‍ ബോട്ടില്‍ സീന്‍ നദി മുറിച്ചുകടക്കുന്നതിനും അമീര്‍ സാക്ഷിയായി. അത്ലറ്റിക്സ്, വോളിബോള്‍, ഷൂട്ടിംഗ്, ഭാരോദ്വഹനം, നീന്തല്‍ എന്നിങ്ങനെ 14 കായികതാരങ്ങള്‍ അടങ്ങുന്ന അഞ്ച് സ്പോര്‍ട്സ് ഫെഡറേഷനുകള്‍ ഖത്തറി പ്രതിനിധി സംഘത്തില്‍ ഉള്‍പ്പെടുന്നു.
