കൊച്ചി: കോവിഡിന് ശേഷമുള്ള ജീവിതത്തേയും നേതൃത്വത്തേയും കുറിച്ച് അവതരിപ്പിക്കുന്ന ‘റികണ്സിലിംഗ് വിത്ത് ചെയ്ഞ്ച്: ഫിലോസഫി ഓഫ് ന്യൂ നോര്മല്’ എന്ന പുസ്തകം കേരള മാനേജ്മെന്റ് അസോസിയേഷനില് നടന്ന ചടങ്ങില് കേരള മാനേജ്മെന്റ് അസോസിയേഷന് പ്രസിഡന്റ് ബിബു പുന്നൂരാന് പ്രകാശനം നിര്വഹിച്ചു.
വിഷ്ണു ആര് ഉണ്ണിത്താനും ഡോ. ദൃഷ്ടി മര്വാഹയും ചേര്ന്ന് രചിച്ച പുസ്തകം ഡോ. എന് വി ശ്രീധരനും ശ്വേത എ കുമാറുമാണ് എഡിറ്റ് ചെയ്തത്.
കോവിഡ്-19, കോര്പ്പറേറ്റ് സോഷ്യല് റെസ്പോണ്സിബിലിറ്റി, പരിസ്ഥിതി, സാമൂഹിക, ഭരണം, തത്വങ്ങള്, പകര്ച്ചവ്യാധിശാസ്ത്രം, പരിസ്ഥിതി മാനേജ്മെന്റ്, സോഷ്യല് മീഡിയയുടെ വ്യാപകമായ സ്വാധീനം എന്നിവയുള്പ്പെടെയുള്ള നിര്ണായകമായ സമകാലിക വിഷയങ്ങളാണ് പുസ്തകം പരിശോധിക്കുന്നത്.
‘പുതിയ സാധാരണത്വ’ത്തിന്റെ അനിശ്ചിതത്വങ്ങള്ക്കിടയില് വ്യക്തികള്ക്കും സമൂഹങ്ങള്ക്കും സംഘടനകള്ക്കും എങ്ങനെ പൊരുത്തപ്പെടാനും അഭിവൃദ്ധി പ്രാപിക്കാനും കഴിയുമെന്നതിനെക്കുറിച്ചുള്ള ഉള്ക്കാഴ്ചകള്, ചിന്തോദ്ദീപകമായ ലേഖനങ്ങളുടെ പരമ്പരയിലൂടെ റീകണ്സിലിംഗ് വിത്ത് ചേഞ്ച് നല്കുന്നു.
