ദോഹ: ഖത്തര്‍ സിവില്‍ ഏവിയേഷന്‍ അതോറിറ്റി ജനുവരി രണ്ടു മുതല്‍ നാലു വരെ ശക്തമായ കാറ്റിനും വെല്ലുവിളി നിറഞ്ഞ കാലാവസ്ഥയ്ക്കും സാധ്യതയുണ്ടെന്ന് മുന്നറിയിപ്പ് നല്‍കി.
മൂന്ന് ദിവസത്തെ കാലയളവില്‍, താപനില സ്ഥിരമായിരിക്കും. ഉയര്‍ന്ന താപനില 21 ഡിഗ്രി സെല്‍ഷ്യസും താഴ്ന്നത് 14 മുതല്‍ 16 ഡിഗ്രി സെല്‍ഷ്യസ് വരെയും ആയിരിക്കും.
വാരാന്ത്യ കാലാവസ്ഥയുടെ സവിശേഷത തീരപ്രദേശങ്ങളെയും കടല്‍ത്തീരത്തെയും ബാധിക്കുന്ന ശക്തമായ വടക്കുപടിഞ്ഞാറന്‍ കാറ്റായിരിക്കുമെന്നും മുന്നറിയിപ്പില്‍ പറയുന്നു.
വെള്ളി, ശനി ദിവസങ്ങളില്‍ ശക്തമായ കാറ്റും ഉയര്‍ന്ന തിരമാലകളും വെല്ലുവിളിയായി തുടരാന്‍ സാധ്യതയുണ്ട്.
രണ്ട് ദിവസങ്ങളിലും കടലില്‍ തിരമാലകള്‍ എട്ടോ പത്തോ അടി വരെ ഉയരാം.
താമസക്കാരും സന്ദര്‍ശകരും ജാഗ്രത പാലിക്കാനും തണുത്ത കാറ്റില്‍ നിന്ന് സ്വയം പരിരക്ഷിക്കാനും നിര്‍ദ്ദേശിക്കുന്നു.
