കൊച്ചി: കൊച്ചു റാണി പ്രൊഡക്ഷന്സിന്റെ ബാനറില് ഡോണ്മാക്സ് കഥയും സംവിധാനവും നിര്വ്വഹിക്കുന്ന ‘അറ്റ്’ ന്റെ ചിത്രീകരണം പൂര്ത്തിയായി. ആലുവ, ചോറ്റാനിക്കര എന്നിവിടങ്ങളിലായാണ് ചിത്രത്തിന്റെ മുഴുവന് ഭാഗങ്ങളും ചിത്രീകരിച്ചത്.
മലയാളത്തില് ആദ്യമായാണ് ഡാര്ക്ക് വെബ് വിഭാഗത്തില് ഒരു സിനിമ ഒരുങ്ങുന്നത് എന്ന പ്രത്യേകത കൂടി ഈ ചിത്രത്തിനുണ്ട്. ‘അറ്റ്’ന് വേണ്ടി ക്യാമറ ചലിപ്പിക്കുന്നത് രവി ചന്ദ്രന് ആണ്. സംഗീത സംവിധാനം നിര്വ്വഹിക്കുന്നത് ഇഷാന് ദേവും എഡിറ്റിംഗ് ഷമീര് മുഹമ്മദും ആണ്.
പ്രൊജക്ട് ഡിസൈന്: ബാദുഷ എന് എം, പ്രൊഡക്ഷന് കണ്ട്രോളര്: പ്രശാന്ത് നാരായണന്, ആര്ട്ട്: അരുണ് മോഹനന്, മേക്കപ്പ്: രഞ്ജിത് അമ്പാടി, കോസ്റ്റ്യും: റോസ് രെജിസ്, ആക്ഷന്: കനല്ക്കണ്ണന്, ചീഫ് അസോസിയേറ്റ്: റെജിലേഷ്, ക്രിയേറ്റീവ് ഡയറക്ഷന്: രെജിസ് ആന്റണി, അസോസിയേറ്റ് ഡയറക്ടര്: പ്രകാശ് ആര് നായര്, പി ആര് ഒ: പി ശിവപ്രസാദ്, സ്റ്റില്സ്: ജെഫിന് ബിജോയ്, പബ്ലിസിറ്റി ഡിസൈന്: മാമിജോ.
