കൊച്ചി: ബ്ലസ്സി, രഞ്ജിത്, ലിജോജോസ് പെല്ലിശ്ശേരി എന്നിവരോടൊപ്പം സഹസംവിധായകനായി പ്രവര്ത്തിച്ച വിഷ്ണു രവിശക്തി സ്വതന്ത്ര സംവിധായകനാകുന്ന ചിത്രം മാംഗോമുറി ജനുവരി അഞ്ചിന് റിലീസാകും.
ട്രിയാനി പ്രൊഡക്ഷന്സിന്റെ ബാനറില് ജാഫര് ഇടുക്കി, അര്പ്പിത് പി ആര്, ശ്രീകാന്ത് മുരളി, സിബി തോമസ് എന്നിവരെ പ്രധാന കഥാപാത്രങ്ങളാക്കിയാണ് നവാഗതനായ വിഷ്ണു രവിശക്തി സംവിധാനം ചെയ്തത്. ചിത്രത്തില് ലാലി അനാര്ക്കലിയും അജിഷ പ്രഭാകരനും പ്രധാന വേഷത്തില് എത്തുന്നു.
ഇവരെ കൂടാതെ റ്റിറ്റോ വില്സണ്, കണ്ണന് സാഗര്, നിമിഷ അശോകന്, അഞ്ജന, ബിനു മണമ്പൂര്, ശ്രീകുമാര് കണക്ട് പ്ലസ്, ജോയി അറക്കുളം തുടങ്ങിയവരും വേഷമിടുന്നു. സംവിധായകന്റെ കഥക്ക് തിരക്കഥ ഒരുക്കുന്നത് തോമസ് സൈമണും വിഷ്ണു രവി ശക്തിയും കൂടി ചേര്ന്നാണ്.
സതീഷ് മനോഹര് ആണ് ചിത്രത്തിന്റെ ഛായാഗ്രഹണം നിര്വഹിക്കുന്നത്. സംഗീതം: ഫോര് മ്യൂസിക്സ്, എഡിറ്റിംഗ്: ലിബിന് ലീ, ഗാനരചന സാം മാത്യൂ, പി ആര് ഒ: പി ശിവപ്രസാദ്.
