കൊച്ചി: കല്യാണി പ്രിയദര്ശന് കേന്ദ്ര കഥാപാത്രമായെത്തുന്ന ശേഷം മൈക്കില് ഫാത്തിമ നവംബര് മൂന്നിന് തിയേറ്ററുകളിലേക്കെത്തും. മനു സി കുമാര് സംവിധാനം ചെയ്ത ചിത്രത്തില് അനിരുദ്ധ് രവിചന്ദര് ആലപിച്ച ഗാനവും ചിത്രത്തിന്റെ ടീസറും പുറത്തുവന്നിരുന്നു.
ഷാരൂഖ് ഖാന്റെ ജവാന്, വിജയുടെ ലിയോ എന്നീ ചിത്രങ്ങള്ക്ക് ശേഷം ഗോകുലം മൂവീസ് ആഗോള തലത്തില് റിലീസ് ചെയ്യുന്ന മലയാള ചിത്രമാണ് ശേഷം മൈക്കില് ഫാത്തിമ. കേരളത്തില് ഗോകുലം മൂവീസിന്റെ ഡിസ്ട്രിബൂഷന് പാര്ട്ട്നേഴ്സായ ഡ്രീം ബിഗ് ഫിലിംസാണ് വിതരണം നിര്വഹിക്കുന്നത്.
കല്യാണി പ്രിയദര്ശനോടൊപ്പം സുധീഷ്, ഫെമിന, സാബുമോന്, ഷഹീന് സിദ്ധിഖ്, ഷാജു ശ്രീധര്, മാല പാര്വതി, അനീഷ് ജി മേനോന്, സരസ ബാലുശ്ശേരി, പ്രിയാ ശ്രീജിത്ത്, ബാലതാരങ്ങളായ തെന്നല്, വാസുദേവ് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
ദി റൂട്ട് , പാഷന് സ്റ്റുഡിയോസ് എന്നിവയുടെ ബാനറില് ജഗദീഷ് പളനിസ്വാമിയും സുധന് സുന്ദരവും ചേര്ന്നാണ് ചിത്രം നിര്മിക്കുന്നത്. ഛായാഗ്രഹണം: സന്താന കൃഷ്ണന് രവിചന്ദ്രന്, സംഗീത സംവിധാനം: ഹിഷാം അബ്ദുല് വഹാബ്, എഡിറ്റര്: കിരണ് ദാസ്, പി ആര് ഒ: പ്രതീഷ് ശേഖര്.
