ന്യൂഡല്ഹി: കവിയും മുന് ചീഫ് സെക്രട്ടറിയുമായിരുന്ന കെ ജയകുമാറിന് 2024ലെ കേന്ദ്ര സാഹിത്യ അക്കാദമി പുരസ്ക്കാരം. പിങ്ഗളകേശിനി എന്ന കവിതാ സമാഹാരത്തിനാണ് പുരസ്കാരം.
ഗാനരചയിതാവ്, വിവര്ത്തകന്, ചിത്രകാരന്, തിരക്കഥാകൃത്ത് എന്നീ നിലകളില് അറിയപ്പെടുന്ന ജയകുമാര് നിലവില് കേരള സര്ക്കാരിന്റെ ഇന്സ്റ്റിറ്റ്യൂട്ട് ഓഫ് മാനേജ്മെന്റിന്റെ ഡയറക്ടറാണ്. കവിതാസമാഹാരങ്ങള്, വിവര്ത്തനങ്ങള്, ജീവചരിത്രം, ബാലസാഹിത്യം എന്നീ വിഭാഗങ്ങളിലായി ഇരുപതോളം കൃതികള് പ്രസിദ്ധികരിച്ചിട്ടുണ്ട്. അര്ധവൃത്തങ്ങള്, രാത്രിയുടെ സാധ്യതകള് തുടങ്ങി അഞ്ച് കവിതാസമാഹാരങ്ങള് മലയാളത്തിലും രണ്ടെണ്ണം ഇംഗ്ലീഷിലും പസിദ്ധീകരിച്ചു.
