Business
കേരളത്തിലെ ആദ്യ കാര്‍ കെയര്‍ സ്റ്റുഡിയോ കൊച്ചിയില്‍
കൊച്ചി: ഷിക്കാഗോ ആസ്ഥാനമായി പ്രവര്‍ത്തിക്കുന്ന 75 വര്‍ഷം പാരമ്പര്യമുള്ള അമേരിക്കന്‍ ബ്രാന്‍ഡ് ടര്‍ട്ല്‍ വാക്സ് കൊച്ചിയിലെ വെണ്ണലയില്‍ കാര്‍ കാര്‍ഡിയാക് കെയറുമായിച്ചേര്‍ന്ന് സംസ്ഥാനത്തെ ആദ്യത്തെ ടര്‍ട്ല്‍ വാക്സ് കാര്‍ കെയര്‍ സ്റ്റുഡിയോ തുറന്നു. കാര്‍ പ്രേമികള്‍ ഉറ്റുനോക്കുന്ന ഏറ്റവും നൂതനവും ഉപയോഗിക്കാന്‍ എളുപ്പവുമായ ടര്‍ട്ല്‍ വാക്സ് ഉല്‍പ്പന്നങ്ങളും അവ ഉപയോഗിച്ചുള്ള ഡിറ്റെയിലിംഗ് സേവനങ്ങളുമാണ് പരിശീലനം സിദ്ധിച്ച പ്രൊഫഷനല്‍ ജോലിക്കാരുടെ സഹായത്തോടെ ടര്‍ട്ല്‍ വാക്സ് കാര്‍ കെയര്‍ സ്റ്റുഡിയോയില്‍ ലഭ്യമാവുക. ലോകമെങ്ങും പ്രസിദ്ധമായ ടര്‍ട്ല്‍ വാക്സിന്റെ ഹൈബ്രിഡ് സെറാമിക് സൊലൂഷന്‍സ്, 10 എച്ച് സെറാമിക് ടെക്നോളജി, പേറ്റന്റ് പരിഗണനയിലുള്ള ഗ്രഫീന്‍ ടെക്നോളജി ഉല്‍പ്പന്നങ്ങളും സേവനങ്ങളും ഉള്‍പ്പെടെയാണിതെന്ന് ടര്‍ട്ല്‍ വാക്സ് കാര്‍ കെയര്‍ ഇന്ത്യാ കണ്‍ട്രി മാനേജറും എക്സിക്യൂട്ടീവ് ഡയറക്ടറുമായ സാജന്‍ മുരളി പുറവങ്കര പറഞ്ഞു.
ഇന്ത്യയിലെ കാര്‍ കെയര്‍ വിപണികളില്‍ ഏറ്റവും വേഗത്തിലുള്ള വളര്‍ച്ച കാഴ്ചവെയ്ക്കുന്ന മേഖലയാണ് കൊച്ചിയും പരിസരപ്രദേശങ്ങളുമെന്നും അദ്ദേഹം പറഞ്ഞു. ഇതു കണക്കിലെടുത്താണ് കാര്‍ ഡീറ്റെയിലിംഗ് രംഗത്തെ ഏറ്റവും ഉയര്‍ന്ന ഗുണനിലവാരം ദക്ഷിണേന്ത്യയ്ക്കു നല്‍കാന്‍ കൊച്ചി തെരഞ്ഞെടുത്തത്. ഇതിനു പുറമെ പാശ്ചാത്യരാജ്യങ്ങളില്‍ ഏറെ പ്രചാരമുള്ളതും ഉപഭോക്താവിന് തനിച്ചു ചെയ്യാവുന്നതുമായ (ഡു ഇറ്റ് ഫോര്‍മ മി- ഡി ഐ എഫ് എം) സേവനങ്ങള്‍ക്കുള്ള ഉത്പന്നങ്ങളുടെ ഏറ്റവും വിപുലമായ ശ്രേണിയും സ്റ്റുഡിയോയില്‍ വില്‍പ്പനയ്ക്കുണ്ടാകും. കാര്‍ കാര്‍ഡിയാക് കെയറുമായുള്ള പങ്കാളിത്തത്തിലൂടെ ഈ മേഖലയില്‍ മികച്ച സേവനം കാഴ്ചവെയ്ക്കാനാവുമെന്നാണ് ടര്‍ട്ല്‍ വാക്സിന്റെ പ്രതീക്ഷയെന്നും അദ്ദേഹം പറഞ്ഞു. കേരളത്തിലും രാജ്യത്തിന്റെ മറ്റു ഭാഗങ്ങളിലും ടര്‍ട്ല്‍ വാക്സിനുള്ള സുശക്തമായ ഡീലര്‍ ശൃംഖലയും എടുത്തു പറയേണ്ടതാണ്. രാജ്യത്തിന്റെ കൂടുതല്‍ ഉള്‍പ്രദേശങ്ങളിലേയ്ക്ക് ഡീലര്‍ ശൃംഖല വ്യാപിപ്പിക്കാനാണ് കമ്പനിയുടെ ശ്രമം.
പുതിയ വാഹനങ്ങള്‍ വാങ്ങുന്നവര്‍ അവയുമായി റോഡിലിറങ്ങും മുമ്പു തന്നെ ഒരു ടര്‍ട്ല്‍ വാക്സ് സന്ദര്‍ശനത്തിനാണ് പ്രസിദ്ധമായ ഈ ആഗോള ബ്രാന്‍ഡ് ക്ഷണിക്കുന്നത്. വണ്ടിയുടെ ബോഡി പെയിന്റിന് ഹാനികരമല്ലാത്തതാണ് ടര്‍ട്ല്‍ വാക്സ് ഉല്‍പ്പന്നങ്ങള്‍. സ്‌ക്രാച്ചുകള്‍, മങ്ങല്‍, കടുത്ത കാലാവസ്ഥാ സാഹചര്യങ്ങള്‍ എന്നിവയില്‍ നിന്ന് കാറുകളുടെ എക്സ്റ്റീറയറുകള്‍ക്ക് അവ സംരക്ഷണം നല്‍കും. മികച്ച ഡ്രൈവിംഗ് അനുഭവത്തിന് ഇന്റീരിയര്‍ ക്ലീനിംഗും പ്രധാനമാണെന്നതു കണക്കിലെടുത്ത് വിപുലമായ ഇന്റീരിയര്‍ ഡീറ്റെയിലിംഗ് ഉല്‍പ്പന്നശ്രേണിയും ടര്‍ട്ല്‍ വാക്സിനുണ്ട്.
കാര്‍ കെയര്‍ രംഗത്ത് എപ്പോഴും നൂതന സേവനങ്ങളും ഉല്‍പ്പന്നങ്ങളും അവതരിപ്പിക്കുന്ന ടര്‍ട്ല്‍ വാക്സ് പോലൊരു ബ്രാന്‍ഡുമായി സഹകരിക്കാനായതില്‍ ഏറെ ആഹ്ലാദമുണ്ടെന്ന് കാര്‍ കാര്‍ഡിയാക് കെയര്‍ പാര്‍ട്ണര്‍മാരായ എമില്‍ ജോര്‍ജും അനൂപ് ബാഹുലേയനും പറഞ്ഞു. ‘കാര്‍ കെയറിന്റെ പുതിയൊരു ലെവലിലേയ്ക്ക് കേരളത്തെ ഉയര്‍ത്തുന്നതാകും ടര്‍ട്ല്‍ വാക്സ് കാര്‍ കെയര്‍ സ്റ്റുഡിയോ എന്നാണ് ഞങ്ങളുടെ പ്രതീക്ഷ,’ അവര്‍ പറഞ്ഞു.
സെറാമിക് കോട്ട് പ്രൊട്ടക്ഷന്‍, ഹൈബ്രിഡ് സെറാമിക് കോട്ടിംഗ്, എക്സ്റ്റീരിയര്‍ റെസ്റ്റോറേഷന്‍ ട്രീറ്റ്മെന്റ്,
ഇന്റീരിയര്‍ ഡീറ്റെയിലിംഗ് ട്രീറ്റ്മെന്റ്, സ്പെഷ്യാലിറ്റി ട്രീറ്റ്മെന്റ്, വാഷ് എന്നിവയാണ് ഇവിടെ ലഭ്യമാകുന്ന സേവനങ്ങള്‍.
ടര്‍ട്ല്‍ വാക്സിന്റെ ഉല്‍പ്പന്നങ്ങള്‍ 1 800 102 6155 എന്ന ടോള്‍ഫ്രീ നമ്പറിലൂടെയും [email protected] എന്ന ഇ-മെയില്‍ ഐഡിയിലൂടെ ബന്ധപ്പെട്ടും വാങ്ങാവുന്നതാണെന്നും കമ്പനിയുടെ വാര്‍ത്താക്കുറിപ്പില്‍ അറിയിച്ചു.
