കോഴിക്കോട്: കോവിഡ് രോഗികളുടെ ചികിത്സയ്ക്കായി മൂക്കില്‍ ഒഴിക്കുന്ന നൈട്രിക് ഓക്‌സൈഡ് നാസല്‍ സ്‌പ്രേ (ഫാബിസ്പ്രേ) ഗ്ലെന്‍മാര്‍ക്ക് ഇന്ത്യയില്‍ പുറത്തിറക്കി.
കനേഡിയന്‍ ഫാര്‍മസ്യൂട്ടിക്കല്‍ കമ്പനി സനോട്ടൈസ് റിസര്‍ച്ച് ആന്‍ഡ് ഡെവലപ്മെന്റ് കോര്‍പ്പറേഷനുമായി സഹകരിച്ചാണ് ഫാബിസ്പ്രേ അവതരിപ്പിച്ചത്.
രോഗം പുരോഗമിക്കാനുള്ള ഉയര്‍ന്ന അപകടസാധ്യതയുള്ള കോവിഡുള്ള മുതിര്‍ന്ന രോഗികളുടെ ചികിത്സയ്ക്കായി ത്വരിതപ്പെടുത്തിയ അംഗീകാര പ്രക്രിയയുടെ ഭാഗമായി നോന്‍ സിനായി ഡ്രഗ്സ് കണ്‍ട്രോളര്‍ ജനറല്‍ ഓഫ് ഇന്ത്യയില്‍ നിന്ന് ഗ്ലെന്‍മാര്‍ക്ക് നേരത്തെ നിര്‍മ്മാണ, വിപണന അനുമതി നേടിയിരുന്നു.
ഫാബിസ്പ്രേ, നൈട്രിക് ഓക്‌സൈഡ് നാസല്‍ സ്‌പ്രേ, ശ്വാസനാളത്തിലെ കൊറോണ വൈറസിനെ കൊല്ലാന്‍ രൂപകല്‍പ്പന ചെയ്തിട്ടുള്ളതാണ്. ഇത് സാര്‍സ് കോവ് 2ല്‍ നേരിട്ടുള്ള വൈറസ് ബാധക്കെതിരെ ആന്റി-മൈക്രോബയല്‍ ഗുണങ്ങള്‍ തെളിയിച്ചിട്ടുണ്ട്. മൂക്കിലെ മ്യൂക്കോസയില്‍ തളിക്കുമ്പോള്‍ നോണ്‍സ് വൈറസിനെതിരെ ശാരീരികവും രാസപരവുമായ തടസ്സമായി പ്രവര്‍ത്തിക്കുന്നു, ഇത് ഇന്‍കുബേറ്റുചെയ്യുന്നതില്‍ നിന്നും ശ്വാസകോശത്തിലേക്ക് പടരുന്നത് തടയുവാനും ഇതിന് കഴിയും.
