ദോഹ: ഖത്തറിലെ നരിപ്പറ്റ നിവാസികളുടെ കൂട്ടായ്മ ഒരുമ നരിപ്പറ്റ ഇഫ്താര് സംഗമവും ഐ സി ബി എഫ് ഭരണ സമിതി അംഗമായി തെരെഞ്ഞെടുക്കപ്പെട്ട ഒരുമ മുഖ്യ രക്ഷാധികാരി ജാഫര് തയ്യിലിന് സ്വീകരണവും ദഫ്നയിലെ ജാഫര് തയ്യിലിന്റെ വില്ലയില് നടന്നു.
ഒരുമ നിക്ഷേപ സമ്പാദ്യ പദ്ധതി റിപ്പോര്ട്ട് അവതരണവും ഭവന നിര്മാണ- ചികിത്സാ സഹായ ഫണ്ട് ശേഖരണവും ചടങ്ങില് നടത്തി. പ്രസിഡന്റ് ഫൈസല് കേളോത്ത് അധ്യക്ഷത വഹിച്ചു. ദാറുല് ഖൈര് കമ്മിറ്റി പ്രസിഡന്റ് സി പി ഷൗക്കത്തലി ഉദ്ഘാടനം ചെയ്തു.
ജാഫര് തയ്യിലിനെ ഡോ. നസീര് അലി പൊന്നാട അണിയിച്ച് ആദരിച്ചു. സെക്രട്ടറി ഡോ. സമീര് അലി സ്വാഗതം പറഞ്ഞ ചടങ്ങില് ട്രഷറര് ബഷീര് സി പി റിപ്പോര്ട്ട് അവതരിപ്പിച്ചു. നാസര് എന് പി, മുഹമ്മദ് കേളോത്ത് എന്നിവര് ആശംസകള് അര്പ്പിച്ചു.
