തിരുവനന്തപുരം:മഴക്കെടുതിയെ തുടര്ന്ന് മാറ്റിവച്ച പ്ലസ് വണ് പരീക്ഷ ചൊവ്വാഴ്ച നടക്കും.സമയക്രമത്തില് മാറ്റമില്ലെന്ന് ഹയര് സെക്കന്ഡറി ബോര്ഡ് അറിയിച്ചു. പി.എസ്.സി അസിസ്റ്റന്റ് എഞ്ചിനിയര് (സിവില് ) പരീക്ഷകള് അടുത്ത വ്യാഴാഴ്ചയും നടക്കും.
ഉദ്യോഗാര്ത്ഥികള് നിലവില് ലഭിച്ച അഡ്മിഷന് ടിക്കറ്റ് ഉപയോഗിച്ച് തന്നെ പരീക്ഷയ്ക്ക് ഹാജരാകണം. ഒക്ടോബര് 23ന് നടക്കേണ്ട ബിരുദതല പ്രാഥമിക പരീക്ഷ മാറ്റിവച്ചിട്ടുണ്ട്. പുതുക്കിയ തീയതി ഉടന് അറിയിക്കും. 30നു നടക്കുന്ന ബിരുദതല പ്രാഥമിക പരീക്ഷയില് മാറ്റമില്ല.
