ദോഹ: ഖത്തര് കേരള ഇസ്ലാഹി സെന്റര് യൂത്തിന്റെ ആഭിമുഖ്യത്തില് ഈദുല് അദ്ഹാ പ്രമാണിച്ച് അബൂഹമൂര് ഐ സി സി ഹാളില് ‘ഫര്ഹ ഈദ് മീറ്റ്’ സംഘടിപ്പിച്ചു.
ക്യു കെ ഐ സി പ്രസിഡന്റ് കെ ടി ഫൈസല് സലഫി ഉദ്ഘാടനം നിര്വഹിച്ചു. ഉമര് ഫൈസി മുഖ്യപ്രഭാഷണം നടത്തി. ഹക്കീം പിലാത്തറ, സ്വലാഹുദ്ദീന് സ്വലാഹി എന്നിവര് പ്രസംഗിച്ചു.
പരിപാടിയില് ക്യു കെ ഐ സി യൂത്ത് ഭാരവാഹികളായ മുനീര് സലഫി, അബ്ദുല് മാജിദ് നജാത്തി ചുങ്കത്തറ, അബ്ദുല് ഖഹാര്, മുഹമ്മദ് ഫബില്, മുഹമ്മദ് ജസീം, ഷഹാന് വി കെ, അമാന് അബ്ദുല് ഹക്കീം, നര്ജീഷ് അബ്ദുല് ഖാദര്, അമീന് ഖലീല് എന്നിവര് സംസാരിച്ചു.
