Entertainment
ദിലീപ് ചിത്രം ‘ഭഭബ’യുടെ ഓവര്‍സീസ് വിതരണ അവകാശത്തിന് റെക്കോര്‍ഡ് തുക; പ്രധാന അപ്ഡേറ്റ് ജൂലൈ 4ന്
കൊച്ചി: ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മ്മിക്കുന്ന ദിലീപ് ചിത്രം ‘ഭഭബ’യുടെ ഓവര്‍സീസ് വിതരണാവകാശം റെക്കോര്‍ഡ് തുകക്ക് സ്വന്തമാക്കി ഫാര്‍സ് ഫിലിംസ്. വിനീത് ശ്രീനിവാസന്‍, ധ്യാന്‍ ശ്രീനിവാസന്‍ എന്നിവരും പ്രധാന വേഷങ്ങളിലെത്തുന്ന ചിത്രം സംവിധാനം ചെയ്യുന്നത് നവാഗതനായ ധനഞ്ജയ് ശങ്കര്‍ ആണ്.
ദിലീപിന്റെ ഭാഗ്യ ദിനമായി അറിയപ്പെടുന്ന ജൂലൈ നാലിന് ചിത്രത്തിന്റെ ഒരു പ്രധാന അപ്ഡേറ്റും പുറത്തു വരുന്നുണ്ട്. ഒരു ദിലീപ് ചിത്രത്തിന് ലഭിക്കുന്ന ഏറ്റവും വലിയ ഓവര്‍സീസ് വിതരണാവകാശ തുകയാണ് ഈ ചിത്രത്തിന് ലഭിച്ചിരിക്കുന്നത്. ഒട്ടേറെ സര്‍പ്രൈസുകളും അപ്ഡേറ്റുകളും ഇനിയും ഈ ചിത്രത്തിന്റേതായി പുറത്തു വരുമെന്നും അണിയറ പ്രവര്‍ത്തകര്‍ സൂചിപ്പിക്കുന്നു.
ഭയം ഭക്തി ബഹുമാനം എന്നാണ് ചിത്രത്തിന്റെ പേരിന്റെ പൂര്‍ണ്ണ രൂപം. താരദമ്പതിമാരായ നൂറിന്‍ ഷെരീഫും ഫാഹിം സഫറും ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
മാസ് കോമഡി എന്റര്‍ടെയ്‌നര്‍ ആയി ഒരുക്കുന്ന ചിത്രത്തില്‍ സിദ്ധാര്‍ത്ഥ് ഭരതന്‍, ബൈജു സന്തോഷ്, ബാലു വര്‍ഗീസ്, അശോകന്‍, ജി സുരേഷ് കുമാര്‍, നോബി, സെന്തില്‍ കൃഷ്ണാ, റെഡിന്‍ കിങ്സിലി, ഷിന്‍സ്, ശരണ്യ പൊന്‍ വണ്ണന്‍, ധനശ്രീ, ലങ്കാ ലക്ഷ്മി, കോറിയോഗ്രാഫര്‍ സാന്റി എന്നിവരാണ് മറ്റു പ്രധാന താരങ്ങള്‍. വമ്പന്‍ ബജറ്റില്‍ ഒരുക്കുന്ന ചിത്രം കോയമ്പത്തൂര്‍, പാലക്കാട്, പൊള്ളാച്ചി ഭാഗങ്ങളിലായി ആണ് ചിത്രീകരിച്ചത്.
കോ-പ്രൊഡ്യൂസേര്‍സ്- വി സി പ്രവീണ്‍, ബൈജു ഗോപാലന്‍, എക്സിക്യൂട്ടീവ് പ്രൊഡ്യൂസര്‍- കൃഷ്ണമൂര്‍ത്തി, ഛായാഗ്രഹണം- അരുണ്‍ മോഹന്‍, സംഗീതം- ഷാന്‍ റഹ്മാന്‍, എഡിറ്റിങ്- രഞ്ജന്‍ ഏബ്രഹാം, വരികള്‍- കൈതപ്രം, വിനായക് ശശികുമാര്‍, മനു മഞ്ജിത്ത്, കലാസംവിധാനം- നിമേഷ് താനൂര്‍, വസ്ത്രാലങ്കാരം- ധന്യ ബാലകൃഷ്ണന്‍, വെങ്കി, മേക്കപ്പ്- റോനെക്സ് സേവ്യര്‍, ആക്ഷന്‍- കലൈ കിങ്സണ്‍, നൃത്ത സംവിധാനം- സാന്‍ഡി, സൗണ്ട് ഡിസൈന്‍- സച്ചിന്‍ സുധാകരന്‍, പ്രൊഡക്ഷന്‍ കണ്‍ട്രോളര്‍- സുരേഷ് മിത്രക്കരി, ഫിനാന്‍സ് കണ്‍ട്രോളര്‍- ശ്രീജിത്ത് കുറ്റിയാനിക്കല്‍, ചീഫ് അസോസിയേറ്റ് ഡയറക്ടര്‍- അനില്‍ എബ്രഹാം, അസോസിയേറ്റ് ഡിറക്ടര്‍സ്- ശ്യാം നരേഷ്, രോഹന്‍ സാബു, ഡിഐ- കളര്‍ പ്ലാനറ്റ് സ്റ്റുഡിയോസ്, വിഎഫ്എക്‌സ്- ഐഡന്റ് വിഎഫ്എക്‌സ് ലാബ്, പി ആര്‍ ഒ – വൈശാഖ് സി വടക്കേവീട്, ജിനു അനില്‍കുമാര്‍, സ്റ്റില്‍സ്- സെറീന്‍ ബാബു, പബ്ലിസിറ്റി ഡിസൈന്‍- യെല്ലോ ടൂത്സ്.
