തൃശൂര്: മാധ്യമ പ്രവര്ത്തകയുടെ തോളില് കൈവെച്ച സംഭവം വിവാദമായതിനെത്തുടര്ന്ന് ഷിദ ജഗത്തിനോട് ക്ഷമ ചോദിച്ച് നടന് സുരേഷ് ഗോപി. താന് ദുരുദ്ദേശത്തോടെയല്ല മാധ്യമ പ്രവര്ത്തകയുടെ തോളില് സ്പര്ശിച്ചതെന്നും തനിക്ക് അവരോട് പിതൃസ്നേഹം മാത്രമേ ഉള്ളൂവെന്നും സുരേഷ് ഗോപി പ്രതികരിച്ചു. ഫേസ്ബുക്ക് കുറിപ്പിലൂടെയും മാധ്യമപ്രവര്ത്തകയോട് ക്ഷമ ചോദിച്ചിട്ടുണ്ട്.
മാധ്യമങ്ങളുടെ മുന്നില് വെച്ച് വാത്സല്യത്തോടെ തന്നെയാണ് ഷിദയോട് പെരുമാറിയത്. ജീവിതത്തില് ഇന്നുവരെ പൊതുവേദിയിലും അല്ലാതെയും അപമര്യാദയോടെ പെരുമാറിയിട്ടില്ല. എന്നാല് ആ കുട്ടിക്ക് അതിനെക്കുറിച്ച് എന്ത് തോന്നിയോ അതിനെ മാനിക്കണം എന്നു തന്നെയാണ് എന്റെയും അഭിപ്രായം. ഏതെങ്കിലും രീതിയില് ആ കുട്ടിക്ക് മോശമായി തോന്നുകയോ മാനസിക ബുദ്ധിമുട്ട് അനുഭവപെടുകയോ ചെയ്തിട്ടുണ്ടെങ്കില് ഞാന് ക്ഷമ ചോദിക്കുന്നു. സോറി ഷിദ…
