പാരീസ്: ഫ്രഞ്ച് പ്രസിഡന്റ് ഇമ്മാനുവല്‍ മാക്രോണുമായി ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍താനി പാരീസിലെ എലിസീ കൊട്ടാരത്തില്‍ ഔദ്യോഗിക ചര്‍ച്ച നടത്തി.
ഇരു രാജ്യങ്ങളും തമ്മിലുള്ള തന്ത്രപ്രധാനമായ ബന്ധങ്ങള്‍ സാക്ഷ്യപ്പെടുത്തിയ വളര്‍ച്ചയെ കുറിച്ചും നേട്ടങ്ങള്‍ കൈവരിക്കുന്നതിന് വിവിധ മേഖലകളില്‍ കൂടുതല്‍ പങ്കാളിത്തത്തിനും സഹകരണത്തിനും പ്രത്യാശ പ്രകടിപ്പിച്ചുകൊണ്ട് ഊഷ്മളമായ സ്വീകരണത്തിന് ഫ്രഞ്ച് പ്രസിഡന്റിന് അമീര്‍ നന്ദിയും അഭിനന്ദനവും അറിയിച്ചു.
ഇരു രാജ്യങ്ങളും തമ്മിലുള്ള നിലവിലുള്ള സൗഹൃദവും സഹകരണ ബന്ധങ്ങളും, എല്ലാ തലങ്ങളിലും, പ്രത്യേകിച്ച് രാഷ്ട്രീയം, സുരക്ഷ, സാമ്പത്തികം, നിക്ഷേപം, സാങ്കേതികവിദ്യ, ആരോഗ്യം, വിദ്യാഭ്യാസം എന്നീ മേഖലകളില്‍ അവയെ ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള വഴികള്‍ ചര്‍ച്ച ചെയ്തു.
പ്രാദേശിക, അന്തര്‍ദേശീയ രംഗങ്ങളിലെ വിഷയങ്ങളിലെ സംഭവവികാസങ്ങളും സെഷന്‍ കൈകാര്യം ചെയ്തു. ഗാസ മുനമ്പിലെയും അധിനിവേശ ഫലസ്തീന്‍ പ്രദേശങ്ങളിലെയും സാഹചര്യങ്ങളിലെ സംഭവവികാസങ്ങള്‍ ചര്‍ച്ച ചെയ്തു.
അമീര്‍ ശൈഖ് തമീം ബിന്‍ ഹമദ് അല്‍താനിയും ഫ്രഞ്ച് റിപ്പബ്ലിക് പ്രസിഡന്റ് ഇമ്മാനുവല്‍ മാക്രോണും മാനുഷിക സഹായം, അടിയന്തര ഇടപെടല്‍ എന്നീ മേഖലകളിലെ സഹകരണത്തിനുള്ള പ്രഖ്യാപനത്തില്‍ ഒപ്പുവെക്കുന്ന ചടങ്ങിന് സാക്ഷ്യം വഹിച്ചു.
