ബെര്‍ലിന്‍: അമീര്‍ ശൈഖ് തമീം ബിന്‍ ഹമദ് അല്‍ താനി ബെല്ലെവ്യൂ പ്രസിഡന്‍ഷ്യല്‍ പാലസില്‍ സജര്‍മ്മനിയുടെ പ്രസിഡന്റ് ഡോ. ഫ്രാങ്ക്- വാള്‍ട്ടര്‍ സ്റ്റെയിന്‍മെയറുമായി കൂടിക്കാഴ്ച നടത്തി. ജര്‍മ്മന്‍ പ്രസിഡന്റ് അമീറിനെയും അനുഗമിക്കുന്ന പ്രതിനിധി സംഘത്തെയും സ്വാഗതം ചെയ്തു. ക്ഷണം സ്വീകരിച്ച് ജര്‍മ്മനി സന്ദര്‍ശിച്ചതിന് അമീറിന് നന്ദി പറഞ്ഞു,
ജര്‍മ്മന്‍ പ്രസിഡന്റിന്റെ ഉദാരമായ ആതിഥ്യമര്യാദയ്ക്കും ഊഷ്മളമായ സ്വീകരണത്തിനും അമീര്‍ തന്റെ അഭിനന്ദനം അറിയിച്ചു, ഇരു രാജ്യങ്ങളും തമ്മിലുള്ള സൗഹൃദ ബന്ധത്തെ പ്രശംസിക്കുകയും ഈ സന്ദര്‍ശനം എല്ലാ മേഖലകളിലും സഹകരണത്തിന്റെ പുതിയ സാധ്യതകള്‍ തുറക്കാന്‍ സഹായിക്കുമെന്ന് പ്രതീക്ഷിക്കുകയും ചെയ്തു.
നിലവിലെ പ്രാദേശിക, അന്തര്‍ദേശീയ സംഭവവികാസങ്ങള്‍ ചര്‍ച്ച ചെയ്യുന്നതിനൊപ്പം ഇരു സൗഹൃദ രാജ്യങ്ങളും തമ്മിലുള്ള സഹകരണ ബന്ധത്തെക്കുറിച്ചും വിവിധ തലങ്ങളില്‍ അവയെ വികസിപ്പിക്കുന്നതിന്റെയും മുന്നേറുന്നതിന്റെയും വശങ്ങളും കൂടിക്കാഴ്ചയില്‍ ചര്‍ച്ച ചെയ്തു. പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന്‍ അബ്ദുല്‍റഹ്മാന്‍ ബിന്‍ ജാസിം അല്‍താനി, വാണിജ്യ- വ്യവസായ മന്ത്രി ശൈഖ് മുഹമ്മദ് ബിന്‍ ഹമദ് ബിന്‍ ഖാസിം അല്‍താനി, അമീരി ദിവാന്‍ മേധാവി ശൈഖ് സൗദ് ബിന്‍ അബ്ദുല്‍റഹ്മാന്‍ അല്‍താനി, ഊര്‍ജകാര്യ സഹമന്ത്രി സാദ് ബിന്‍ ഷെരീദ അല്‍ കാബി എന്നിവര്‍ യോഗത്തില്‍ പങ്കെടുത്തു.
ജര്‍മ്മന്‍ ഭാഗത്ത്, വിദേശകാര്യ മന്ത്രാലയത്തിലെ സഹമന്ത്രി ഡോ. ടോബിയാസ് ലിന്‍ഡ്‌നര്‍, ഫെഡറല്‍ പ്രസിഡന്റ് വൂള്‍ഫ്ഗാങ് സില്‍ബര്‍മാന്റെ ഓഫീസിലെ വിദേശനയ വിഭാഗം മേധാവി, ഫെഡറല്‍ പ്രസിഡന്റ് സെര്‍സ്റ്റിന്റെ ഔദ്യോഗിക വക്താവ് എന്നിവര്‍ പങ്കെടുത്തു.
