ദോഹ: ഏകദേശം നാലു കിലോഗ്രാം ഷാബു കൈവശം വച്ചതിന് ഏഷ്യക്കാരനെ ആഭ്യന്തര മന്ത്രാലയത്തിലെ ഡ്രഗ് എന്‍ഫോഴ്സ്മെന്റ് ജനറല്‍ ഡയറക്ടറേറ്റ് അറസ്റ്റ് ചെയ്തു.
മയക്ക് പദാര്‍ഥം തേച്ചുപിടിപ്പിച്ച കര്‍ട്ടനുകള്‍ പാഴ്‌സല്‍ വഴി അയച്ചതാണെന്ന് ആഭ്യന്തര മന്ത്രാലയം ട്വീറ്റ് ചെയ്തു. കര്‍ട്ടന്‍ തുണിയില്‍ നിന്ന് നിയമവിരുദ്ധമായ പദാര്‍ഥം വേര്‍തിരിച്ചെടുത്ത ശേഷം പ്രതി അവ കണ്ടെയ്നറുകളിലാക്കുകയായിരുന്നു.
ഏഷ്യയിലെ ചില ഭാഗങ്ങളില്‍ പ്രചാരത്തിലുള്ള നിയമവിരുദ്ധമായ മെത്താംഫെറ്റാമൈന്‍ മരുന്നിന്റെ പ്രാദേശിക പദമാണ് ഷാബു. മെത്താംഫെറ്റാമൈന്‍ (മെത്ത്) വളരെ ആസക്തിയുള്ള സിന്തറ്റിക് ഉത്തേജകമാണ്. ഇതിന്റെ ഉപയോഗം മരണത്തിനും കാരണമാകാം.
