കൊല്ലം: കേരള യൂണിവേഴ്സിറ്റി ബി എ അറബിക് പരീക്ഷയില് (ആനുവല് സ്കീം) ഒന്നാം റാങ്ക് നേടിയ കടയ്ക്കല് എം എസ് എം അറബിക് കോളേജ് വിദ്യാര്ഥിനി നസീഹ കെ എസിനെ കേരള അറബിക് മുന്ഷിസ് അസോസിയേഷന് (കെ എ എം എ) സംസ്ഥാന കമ്മിറ്റിയുടെ നേതൃത്വത്തില് അനുമോദിച്ചു.
കടയ്ക്കല് എം എസ് എം അറബിക് കോളേജില് നടന്ന അനുമോദന യോഗത്തില് കെ എ എം എ സംസ്ഥാന ജനറല് സെക്രട്ടറി എം തമീമുദ്ദീന് അധ്യക്ഷത വഹിച്ചു. മുന് സംസ്ഥാന. അറബിക്ക് സ്പെഷ്യല് ഓഫീസര് എം ഇമാമുദ്ദീന് ഉദ്ഘാടനം ചെയ്തു. സംസ്ഥാന പ്രസിഡന്റ് എ എ ജാഫര് ഉപഹാര സമര്പ്പണം നടത്തി. മുന് സംസ്ഥാന ജനറല് സെക്രട്ടറി ഇടവം ഖാലിദ്, നിഹാസ് കടയ്ക്കല് സിറാജ് മദനി, ജെ സുബൈര്, അന്സര് ചിതറ, ഷംസുദ്ദീന് പാലോട്, നസീം പരുത്തി വിള, നസീഹ കെ എസ് എന്നിവര് സംസാരിച്ചു.
