ജയ്പൂര്: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില് കോണ്ഗ്രസിന് മികച്ച മുന്നേറ്റം. ഫലമറിഞ്ഞ 1562 സീറ്റുകളില് 669ലും കോണ്ഗ്രസാണ് വിജയിച്ചത്. ബി ജെ പിക്ക് 550 സീറ്റുകളാണ് ജയിച്ചത്. ആര് എല് പി 40 സീറ്റിലും ബി എസ് പി 11 സീറ്റിലും എന് സി പി രണ്ട് സീറ്റിലുമാണ് ജയിച്ചിരിക്കുന്നത്. 290 സീറ്റില് സ്വതന്ത്രരും ജയിച്ചു.
ആറ് ജില്ലകളിലെ 1564 വാര്ഡുകളിലേക്കാണ് തെരഞ്ഞെടുപ്പ് നടന്നത്. മൂന്ന് ഘട്ടങ്ങളിലായിട്ടായിരുന്നു തെരഞ്ഞെടുപ്പ്. 1,564 പഞ്ചായത്ത് അംഗങ്ങള്, ആറ് ജില്ലാ പഞ്ചായത്ത് അധ്യക്ഷന്മാര്, ഉപാധ്യക്ഷന്മാര്, 200 അംഗങ്ങള് തുടങ്ങിയവര്ക്കു വേണ്ടിയുള്ള തെരഞ്ഞെടുപ്പാണിത്.
സംസ്ഥാനത്ത് കോണ്ഗ്രസ് പാളയത്തിലെ പടലപ്പിണക്കങ്ങള് മുതലെടുത്ത് ഇത്തവണ തദ്ദേശ തെരഞ്ഞെടുപ്പില് തിരിച്ചുവരാനാകുമെന്ന കണക്കുകൂട്ടലിലായിരുന്നു ബി ജെ പി.
