ദോഹ: ഇന്ത്യന് ചലച്ചിത്ര താരം ദീപിക പദുക്കോണ് ഖത്തര് എയര്വെയ്സിന്റെ ഗ്ലോബല് ബ്രാന്ഡ് അംബാസഡര്. ദീപികയുമായി സഹകരിച്ച് ഖത്തര് എയര്വേയ്സ് പുതിയ ബ്രാന്ഡ് കാമ്പെയ്ന് ആരംഭിച്ചു.
ഖത്തര് എയര്വേയ്സിന്റെ പ്രീമിയം അനുഭവം പുനര്നിര്വചിക്കാനുള്ള എയര്ലൈനിന്റെ ശ്രമത്തിന്റെ പരിസമാപ്തിയാണ് ഈ കാമ്പെയ്ന് ലോഞ്ച്.
ഖത്തര് എയര്വേയ്സുമായുള്ള പദുക്കോണിന്റെ യാത്രയെ ആഡംബരത്തിന്റെയും ചാരുതയുടെയും പുതിയ തലത്തിലേക്ക് ബന്ധിപ്പിക്കുന്ന കാമ്പെയ്നിനൊപ്പമാണ് ‘എയ്ന്റ് നോബഡി’ എന്ന ടൈംലെസ് അക്കോസ്റ്റിക് ട്രാക്ക് പ്രകാശനം ചെയ്യുന്നത്. ലോകത്തിലെ ഏറ്റവും മികച്ച വിമാനത്താവളമായ ഹമദ് ഇന്റര്നാഷണല് എയര്പോര്ട്ടിലൂടെ ഖത്തര് എയര്വേയ്സിന്റെ ഉപഭോക്താക്കള്ക്ക് ലഭ്യമായ പ്രീമിയം അനുഭവം അവര് ഉള്ക്കൊള്ളുന്നു.
ഖത്തര് എയര്വേയ്സില് മികവിനായി നിരന്തരം പരിശ്രമിക്കുന്നുവെന്നും ദീപികയുമായുള്ള സഹകരണം പരിഷ്ക്കരണവും നേട്ടവും ഒരുമിച്ച് കൊണ്ടുവരുന്നതായും ഖത്തര് എയര്വേയ്സ് ഗ്രൂപ്പ് ചീഫ് എക്സിക്യൂട്ടീവ് അക്ബര് അല് ബേക്കര് പറഞ്ഞു. കൂടാതെ ഖത്തര് എയര്വേയ്സ് തങ്ങളുടെ ഉപഭോക്താക്കള്ക്ക് പ്രീമിയം അനുഭവങ്ങള് എങ്ങനെ നല്കുന്നുവെന്ന് ദീപിക മനോഹരമായി അവതരിപ്പിക്കുന്നു. ഖത്തര് എയര്വെയ്സ് ബ്രാന്ഡിന് അനുയോജ്യമായ ആഗോള ആകര്ഷണവും കരിഷ്മയും ഉള്ളതിനാല് ദീപിക വ്യക്തമായ തിരഞ്ഞെടുപ്പാണെന്നും ഖത്തര് എയര്വേയ്സില് ഗ്ലോബല് ബ്രാന്ഡ് അംബാസഡറായി ദീപികയെ ലഭിച്ചതില് സന്തോഷമുണ്ടെന്നും അദ്ദേഹം പറഞ്ഞു.
അന്താരാഷ്ട്ര എയര് ട്രാന്സ്പോര്ട്ട് റേറ്റിംഗ് ഓര്ഗനൈസേഷനായ സ്കൈട്രാക്സ് നിയന്ത്രിക്കുന്ന 2022 വേള്ഡ് എയര്ലൈന് അവാര്ഡുകളില് ഒന്നിലധികം അവാര്ഡുകള് നേടിയ എയര്ലൈനായ ഖത്തര് എയര്വേയ്സിനെ ‘എയര്ലൈന് ഓഫ് ദ ഇയര്’ ആയി അടുത്തിടെ പ്രഖ്യാപിച്ചു. അഭൂതപൂര്വമായ ഏഴാം തവണയും (2011, 2012, 2015, 2017, 2019, 2021, 2022) പ്രധാന സമ്മാനം നേടിയതിനാല് എയര്ലൈന് മികവിന്റെ പര്യായമായി തുടരുന്നു.
ഖത്തര് എയര്വേയ്സ് നിലവില് ലോകമെമ്പാടുമുള്ള 150ലധികം ലക്ഷ്യസ്ഥാനങ്ങളിലേക്കാണ് പറക്കുന്നത്. ഖത്തര് എയര്വെയ്സിന്റെ ഹബ്ബ് ദോഹ ഹമദ് അന്താരാഷ്ട്ര വിമാനത്താവളം നിലവില് സ്കൈട്രാക്സ് വേള്ഡ് എയര്പോര്ട്ട് അവാര്ഡ് 2022 പ്രകാരം ‘ലോകത്തിലെ ഏറ്റവും മികച്ച എയര്പോര്ട്ട്’ ആണ്.
