കൊച്ചി: ആരോഗ്യമേഖലയിലെ 54 വര്ഷം നീണ്ട സേവനത്തിനു ശേഷം വിപിഎസ് ലേക്ഷോര് ആശുപത്രിയിലെ അനസ്തീഷ്യ വിഭാഗം മേധാവി ഡോ. മോഹന് മാത്യു ഔദ്യോഗിക ജീവിതത്തില്നിന്ന് വിരമിച്ചു. 2016 മുതല് അദ്ദേഹം വിപിഎസ് ലേക്ഷോറിലെ ചീഫ് ഓഫ് സ്റ്റാഫായും സേവനം അനുഷ്ഠിച്ചിരുന്നു.
2021-ല് ഇന്ത്യന് സൊസൈറ്റി ഓഫ് അനസ്തീഷ്യയുടെ ‘ലെജന്ഡ് ഇന് അനസ്തീഷ്യ’ ബഹുമതി ലഭിച്ച ഡോ. മോഹന് മാത്യു, കേരളത്തിലെ അനസ്തീഷ്യ, ക്രിട്ടിക്കല് കെയര് മേഖലകള്ക്ക് നിര്ണായക സംഭാവനകള് നല്കിയിട്ടുണ്ട്. 2017-ല് ഹാര്ട്ട് കെയര് ഫൗണ്ടേഷന് നല്കിയ ലൈഫ്ടൈം അച്ചീവ്മെന്റ് അവാര്ഡ് ഉള്പ്പെടെ നിരവധി ബഹുമതികള് അദ്ദേഹത്തെ തേടിയെത്തിയിട്ടുണ്ട്.
50,000-ലേറെ അനസ്തീഷ്യ കേസുകള് നടത്തിയിട്ടുള്ള ഡോ. മോഹന് മാത്യു 1972-ല് ഡിഎംകെ സ്ഥാപകന് പെരിയാറിനും ഇന്ത്യന് എക്സ്പ്രസിന്റെ സ്ഥാപകന് രാമനാഥ് ഗോയങ്കയ്ക്കും അനസ്തീഷ്യ നല്കിയിട്ടുണ്ട്.
ഒമാനിലെ ആര്മഡ് ഫോഴ്സ് ഹോസ്പിറ്റലിലും കാനഡയിലെ ടൊറന്റോയിലെ സണ്ണിബ്രൂക്ക് ഹോസ്പിറ്റലിലും പരിശീലനം നേടിയ അദ്ദേഹം കൊച്ചിയിലെ പിവിഎസ് ആശുപത്രിയില് ആദ്യ സ്വതന്ത്ര ക്രിട്ടിക്കല് കെയര് യൂണിറ്റ് ആരംഭിച്ചു.
ഈ വര്ഷങ്ങള്ക്കിടയില് അദ്ദേഹം വിവിധ നാഷണല് ബോര്ഡ് കോഴ്സുകളും നയിച്ചിട്ടുണ്ട്.
