കോഴിക്കോട്: സംസ്ഥാനത്തെ സ്കൂളില് കായിക വിദ്യാഭ്യാസ സുരക്ഷയ്ക്ക് വിശദമായ മാര്ഗരേഖ പുറപ്പെടുവിക്കാന് ബാലാവകാശ കമ്മീഷന് ഉത്തരവായി. കുട്ടികള്ക്കെതിരായ ലൈംഗികാതിക്രമ കേസുകളില് പ്രതികളാവുകയും h`ലീസ് കുറ്റപത്രം സമര്പ്പിക്കുകയും ചെയ്താല് അത്തരക്കാരെ കുട്ടികളുമായി ഇടപഴകേണ്ടി വരുന്ന സ്ഥാനങ്ങളില് നിയമിക്കരുത്. ഇക്കാര്യം വിദ്യാഭ്യാസ വകുപ്പ് ഉള്പ്പെടെ സംസ്ഥാനത്തെ മുഴുവന് വകുപ്പുകളും കൃത്യമായി പാലിക്കുന്നതിന് പൊതുവിദ്യാഭ്യാസ വകുപ്പ് സെക്രട്ടറിയും ഡയറക്ടറും ആഭ്യന്തര വകുപ്പ് സെക്രട്ടറിയും ആവശ്യമായ ഉത്തരവുകള് പുറപ്പെടുവിക്കണമെന്നും കമ്മീഷന് അംഗം ബി ബബിത നിര്ദേശം നല്കി.
കായികാധ്യാപകനെതിരെ രജിസ്റ്റര് ചെയ്ത കേസുകളില് അന്വേഷണം പൂര്ത്തീകരിച്ച് താമരശ്ശേരി പോലീസ് സ്റ്റേഷന് ഹൗസ് ഓഫീസര് കുറ്റപത്രം സമര്പ്പിക്കാന് നിര്ദേശിച്ചു. കമ്മീഷന് അധ്യാപകനെതിരെ ആരംഭിച്ച വകുപ്പുതല നടപടി സ്കൂള് മനേജര് പൂര്ത്തീകരിച്ച് തുടര്നടപടി സ്വീകരിക്കാനും നിര്ദേശം നല്കി.
ബാലാവകാശ കമ്മീഷന് അഡ്വ. ബിജോയ് കെ ഏലിയാസ് നല്കിയ പരാതിയുടെ പൊതുസ്വഭാവം പരിഗണിച്ചാണ് ഉത്തരവ് പുറപ്പെടുവിച്ചത്.
