ദോഹ: ഖത്തറിലെ ഇന്ത്യന് ക്രിക്കറ്റ് പ്രേമികളുടെ സജീവ കൂട്ടായ്മയായ എച്ച് എച്ച് റൈഡേഴ്സ് ക്രിക്കറ്റ് ടീം തുമാമ ഇന്തോ- ഖത്തര് ക്രിക്കറ്റ് ഗ്രൗണ്ടില് പുതിയ ടീം ജേഴ്സി ഔദ്യോഗികമായി പുറത്തിറക്കി.
പ്രധാന വ്യക്തികളും ടീം അംഗങ്ങളും പങ്കെടുത്ത ചടങ്ങില് കെ എം സി സി ഖത്തര് സ്റ്റേറ്റ് കൗണ്സില് അംഗം അബ്ദുല് റഹ്മാന് എരിയലിന് ഷംനാദ് കല്ലാര് ജേഴ്സി സമ്മാനിച്ചു.
ടീമിന്റെ ഔദ്യോഗിക സ്പോണ്സറായ മെറിഡിയന് കമ്പനി ജേഴ്സി യാഥാര്ഥ്യമാക്കുന്നതില് നിര്ണായക പങ്ക് വഹിച്ചു. എച്ച് എച്ച് റൈഡേഴ്സ് ക്രിക്കറ്റ് ടീമിന്റെ ഉടമ ശങ്കര് ആര് നായര്, ടീം ക്യാപ്റ്റന് ഷിഹാബ്, കളിക്കാരായ അക്ബര്, മുബാസിര്, സലാം, സുഹൈല്, മിസാന്, നവീന്, സുല്ഫി ഹൈദര് എന്നിവര് ചടങ്ങില് പങ്കെടുത്തു.
