മനാമ: ഖല്ബിലുണ്ട് എന്റെ നബി (സ) എന്ന ശീര്ഷകത്തില് ആഗസ്ത് 10 മുതല് സെപ്തംബര് 20 വരെ നടക്കുന്ന ഐ സി എഫ് മീലാദ് ക്യാമ്പയിന് വിളംബരവും ചിത്താരി ഹംസ മുസ്ല്യാര് അനുസ്മരണവും നാളെ രാത്രി എട്ടിന് റിഫ സുന്നി സെന്ററില് നടക്കും.
ഐ സി എഫ് നാഷണല് പ്രസിഡണ്ട് അബൂബക്കര് ലത്വീഫിയുടെ അധ്യക്ഷതയില് അഡ്വ. എം സി അബ്ദുല് കരീം ഹാജി ഉദ്ഘാടനം ചെയ്യും. ഐ സി എഫ് ഇന്റര് നാഷണല് ഡപ്യൂട്ടി പ്രസിഡണ്ട് കെ സി സൈനുദ്ധീന് സഖാഫി അനുസ്മരണ പ്രഭാഷണം നടത്തും.
കാമ്പയിനിന്റെ ഭാഗമായി മൗലിദ് മജ്ലിസ്, സ്നേഹസംഗമം, മിഡ്നൈറ്റ് ബ്ലൂം, മാസ്റ്റര് മൈന്ഡ്, ഡെയ്ലിക്വിസ്സ്, മദ്ഹു റസൂല് സമ്മേളനങ്ങള് എന്നിവ വിവിധ ഘടകങ്ങളില് നടക്കും.
