കോഴിക്കോട്: കേരള അറബിക് ടീച്ചേഴ്സ് ഫെഡറേഷന് 65-ാമത് സംസ്ഥാന സമ്മേളന പ്രചാരണ ഗാനം മുന് എം എല് എ വി കെ സി മമ്മദ് കോയ പ്രകാശനം ചെയ്തു. കെ എ ടി എഫ് സംസ്ഥാന പ്രസിഡന്റ് ടി പി അബ്ദുല് ഹഖ് അധ്യക്ഷത വഹിച്ചു. എം എ ലത്തീഫ്, മാഹിന് ബാഖവി, നൗഷാദ് കോപ്പിലാന്, യഹ്യാഖാന് മഞ്ചേശ്വരം, അബ്ദുസലാം കാവുങ്ങല്, മുഹമ്മദ് ജൈസല്, എം പി അബ്ദുല് ഖാദര്, അന്സാര് കോഴിക്കോട് തുടങ്ങിയവര് സംസാരിച്ചു.
നജീറ ടീച്ചര് രചന നിര്വ്വഹിച്ച പ്രചരണ ഗാനത്തിന് ഹനീഫ് മുടിക്കോടാണ് ഈണം പകര്ന്നത്. കെ എ ടി എഫിന്റെ വര്ത്തമാന കാല പ്രവര്ത്തനം, പ്രസക്തി, ചരിത്രം, ഇടപെടലുകളെല്ലാം പ്രചരണ ഗാനത്തില് ഇടം പിടിച്ചിട്ടുണ്ട്. ഷഫ്ന മുടിക്കോട്, സിനാന് മുടിക്കോട്, നസ്ലാന് മുടിക്കോട് എന്നിവര് ചേര്ന്നാണ് ഗാനം ആലപിച്ചത്.
കെ എ ടി എഫ് കലാ വിങ്ങും ഐ ടി വിങ്ങും സഹകരിച്ചാണ് പ്രചരണ ഗാനം പുറത്തിറക്കിയത്. ഫെബ്രുവരി 2, 3, 4 തിയ്യതികളില് മൂല്യാധിഷ്ഠിത വിദ്യാഭ്യാസം സമൂഹനന്മക്ക് എന്ന പ്രമേയവുമായിട്ടാണ് 65-ാമത് സംസ്ഥാന സമ്മേളനം ചാവക്കാട് നടക്കുന്നത്.
