കൊച്ചി: കേരളത്തില് ആള്ക്കൂട്ട നിയന്ത്രണം ഫലപ്രദമായി നടപ്പാകുന്നില്ലെന്ന് ഹൈക്കോടതി. പൊതുസ്ഥലങ്ങളില് സാമൂഹിക അകലം പാലിക്കപ്പെടുന്നില്ലെന്നും ആകെയുള്ളത് മാസ്ക് മാത്രമാണെന്നും കോടതി നിരീക്ഷിച്ചു.
കടകള് തുറക്കുന്ന കാര്യത്തില് സര്ക്കാര് അടുത്ത വ്യാഴാഴ്ചയ്ക്കുള്ളില് തീരുമാനം എടുക്കണമെന്നും തീരുമാനം നയപരമായിരിക്കണമെന്നും ഹൈക്കോടതി വ്യക്തമാക്കി.
വസ്ത്രക്കടകള് തുറക്കാന് അനുവദിക്കണമെന്ന് ആവശ്യപ്പെട്ടുള്ള ഹരജി പരിഗണിക്കുമ്പോഴായിരുന്നു ഹൈക്കോടതിയുടെ നിരീക്ഷണം.
വിദഗ്ധ സമിതിയുടെ ശുപാര്ശയുടെ അടിസ്ഥാനത്തിലാണ് തീരുമാനങ്ങളെടുക്കുന്നത് എന്ന് സര്ക്കാര് കോടതിയെ അറിയിച്ചു. വിദഗ്ധസമിതിയുടെ ശുപാര്ശ നടപ്പാക്കുക മാത്രമാണ് സര്ക്കാര് ചെയ്യുന്നതെന്നും കോടതിയില് പറഞ്ഞു.
