തിരുവനന്തപുരം: തൊഴിലാളി സംഘടനകള് പ്രഖ്യാപിച്ച ദേശീയ പണിമുടക്ക് തിങ്കളാഴ്ച അര്ധരാത്രി 12 മണിക്ക് ആരംഭിക്കും. തിങ്കള്, ചൊവ്വ ദിവസങ്ങളില് തൊഴിലാളി സംഘടനകള് പ്രഖ്യാപിച്ചിട്ടുള്ള ദേശീയ പണിമുടക്കില് നിന്ന് പാല്, പത്രം, ആശുപത്രി, ആംബുലന്സ്, കോവിഡ് പ്രതിരോധ പ്രവര്ത്തനങ്ങള്, വിദേശ വിനോദസഞ്ചാരികളുടെ യാത്ര എന്നിവയെ ഒഴിവാക്കി.
മാര്ച്ച് 27ന് രാത്രി 12 മുതല് 29ന് രാത്രി 12 വരെ 48 മണിക്കൂറാണ് പണിമുടക്ക്. വാണിജ്യ- വ്യാപാര സ്ഥാപനങ്ങളിലെയും മോട്ടോര് മേഖലയിലെയും തൊഴിലാളികള് പണിമുടക്കുന്നതുകൊണ്ട് കടകമ്പോളങ്ങള് അടച്ച് സഹകരിക്കണമെന്ന് സംയുക്ത ട്രേഡ് യൂണിയന് ഭാരവാഹികളായ ആര് ചന്ദ്രശേഖരന്, എളമരം കരീം എം പി., കെ പി രാജേന്ദ്രന് എന്നിവര് ആവശ്യപ്പെട്ടു.
കൊച്ചി റിഫൈനറിയില് പണിമുടക്ക് നിരോധിച്ചുകൊണ്ടുള്ള ഉത്തരവ് കേരള ഹൈക്കോടതി പുനഃപരിശോധിക്കണമെന്നും റിഫൈനറി തൊഴിലാളികള് പണിമുടക്കില് ഉറച്ചുനില്ക്കുകയാണെന്നും ഇവര് അറിയിച്ചു.
