കോഴിക്കോട്: സമസ്ത കേരള ജംഇയ്യത്തുല്‍ ഉലമയുടെ പൂര്‍വിക നേതാക്കളിലൂടെ കൈമാറി വന്നിട്ടുള്ള രാഷ്ട്രീയ നിലപാടില്‍ മാറ്റമില്ലെന്നും ഇക്കാര്യത്തില്‍ സംഘടനക്കകത്ത് യാതൊരുവിധ അഭിപ്രായ വ്യത്യാസമില്ലെന്നും കോഴിക്കോട് ചേര്‍ന്ന സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ യോഗം പ്രഖ്യാപിച്ചു.
സോഷ്യല്‍ മീഡിയയിലും മറ്റും നടന്നുകൊണ്ടിരിക്കുന്ന അനാവശ്യ ചര്‍ച്ചകള്‍ പ്രവര്‍ത്തകരില്‍ നിന്ന് ഉണ്ടാവാന്‍ പാടില്ലാത്തതാണെന്നും മേലില്‍ ആവര്‍ത്തിക്കുന്ന പക്ഷം ശക്തമായ അച്ചടക്ക നടപടികള്‍ക്കു വിധേയമായിരിക്കുമെന്നും യോഗം മുന്നറിയിപ്പു നല്‍കി.
പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ അധ്യക്ഷത വഹിച്ചു. ജനറല്‍ സെക്രട്ടറി പ്രൊഫ. കെ ആലികുട്ടി മുസ്ലിയാര്‍ സ്വാഗതം പറഞ്ഞു. എം ടി അബ്ദുല്ല മുസ്ലിയാര്‍, പി പി ഉമര്‍ മുസ്ലിയാര്‍ കൊയ്യോട്, പി കെ മൂസക്കുട്ടി ഹസ്രത്ത്, കെ ടി ഹംസ മുസ്ലിയാര്‍, കെ പി സി തങ്ങള്‍ വല്ലപ്പുഴ, എം പി കുഞ്ഞിമുഹമ്മദ് മുസ്ലിയാര്‍ നെല്ലായ, വി മൂസക്കോയ മുസ്ലിയാര്‍, മാണിയൂര്‍ അഹമ്മദ് മുസ്ലിയാര്‍, കെ ഹൈദര്‍ ഫൈസി പനങ്ങാങ്ങര, ഡോ. ബഹാഉദ്ദീന്‍ മുഹമ്മദ് നദവി കൂരിയാട്, എം മൊയ്തീന്‍ കുട്ടി ഫൈസി വാക്കോട്, കെ ഉമര്‍ ഫൈസി മുക്കം, എ വി അബ്ദുറഹ്മാന്‍ മുസ്ലിയാര്‍, കെ കെ പി അബ്ദുല്ല മുസ്ലിയാര്‍, ഇ എസ് ഹസ്സന്‍ ഫൈസി, പി കെ ഹംസകുട്ടി ബാഖവി ആദൃശ്ശേരി, ഐ വി ഉസ്മാന്‍ ഫൈസി, കെ എം അബ്ദുല്ല ഫൈസി, മാഹിന്‍ മുസ്ലിയാര്‍ തൊട്ടി, എം പി മുസ്തഫല്‍ ഫൈസി, പി കെ അബ്ദുസ്സലാം ബാഖവി, ബി കെ അബ്ദുല്‍ ഖാദിര്‍ മുസ്ലിയാര്‍ ബംബ്രാണ, എം വി ഇസ്്മായില്‍ മുസ്ലിയാര്‍, കാടേരി മുഹമ്മദ് മുസ്ലിയാര്‍ സംസാരിച്ചു.
