ന്യൂഡല്ഹി:
കോവിഡിന്റെ പുതിയ വകഭേദമായ ഒമിക്രോണ് ഇന്ത്യയിലും സ്ഥിരീകരിച്ചു. കര്ണാടകയിലാണ് രണ്ടുപേര്ക്ക് പുതിയ വകഭേദം റിപ്പോര്ട്ട് ചെയ്തത്. കേന്ദ്ര ആരോഗ്യ മന്ത്രാലയം ജോയിന്റ് സെക്രട്ടറി ലാവ് അഗര്വാള് വാര്ത്താസമ്മേളനത്തിലാണ് ഇക്കാര്യം അറിയിച്ചത്. ദക്ഷിണാഫ്രിക്ക സന്ദര്ശിച്ച രണ്ട് കര്ണാടക സ്വദേശികള്ക്കാണ് കോവിഡിന്റെ ഒമിക്രോണ് വകഭേദം സ്ഥിരീകരിച്ചത്. 66ഉം 46ഉം വയസ് പ്രായമുള്ളവരാണ് ഇവര്. രണ്ടുപേരുടെയും നില ഗുരുതരമല്ല. ഇവരുടെ പേരുവിവരങ്ങള് ഇപ്പോള് പുറത്തുവിടില്ലെന്ന് കേന്ദ്രം അറിയിച്ചിട്ടുണ്ട്. ഇവരുമായി സമ്പര്ക്കത്തിലുള്ളവരെ കണ്ടെത്തി നിരീക്ഷണത്തിലേക്കു മാറ്റിയതായും കേന്ദ്ര ആരോഗ്യ മന്ത്രാലയം അറിയിച്ചു.
